姑娘無人愛

《姑娘無人愛》Koo-niû Bô-lâng Ài
林英美Lîm Ing-bí
劉福助Lâu Hok-tsōo
——————————————
正月十五桃花開
tsiann–ge̍h tsa̍p-gōo thô-hue khai
桃花開透人人愛
thô-hue khui-thàu lâng-lâng ài
可惜阮有情無人愛啊
khó-sioh gún ū-tsîng bô-lâng ài–ah
可啊可憐代
khó–ah khó-liân-tāi

小姑娘啊小姑娘
sió-koo-niû–ah sió-koo-niû
真䆀無人愛
tsin bái bô-lâng ài
烏白講
oo-pe̍h kóng
對阮亂亂來
tuì gún luān-luān-lâi
到底怎樣無人愛
tàu-té tsuánn-iūnn bô-lâng ài
請你共阮猜看覓
tshiánn lí kā gún tshai khuànn-māi

三三八八
sam-sam-pat-pat
男人毋敢愛
lâm-jîn m̄-kánn ài
凹鼻仔缺喙也無愛
naih-phīnn-á khih-tshuì iā bô-ài
若無
nā-bô
你就是無下頦啊
lí tsiū-sī bô ē-hâi–ah
可啊可憐代
khó–ah khó-liân-tāi

菁仔欉啊菁仔欉
tshinn-á-tsâng–ah tshinn-á-tsâng
罵人不應該
mā-lâng put ìng-kai
你毋講
lí m̄-kóng
叫阮哪會知
kiò gún ná ē tsai
請你閣再想看覓
tshiánn lí koh-tsài siūnn khuànn-māi
枵鬼愛偷食
iau-kuí ài thau-tsia̍h
無人愛
bô-lâng ài

圓仔花是自己毋知䆀
înn-á-hue sī tsū-kí m̄-tsai bái
大紅花啊䆀毋知
tuā-âng-hue–ah bái m̄-tsai
毋知你自己戇大呆啊
m̄-tsai lí tsū-kí gōng-tuā-tai–ah
可啊可憐代
khó–ah khó-liân-tāi

小姑娘啊小姑娘
sió-koo-niû–ah sió-koo-niû
啥人遮無才
siánn-lâng tsiah bô-tsâi
就是你觸雞無大才
tsiū-sī lí tak-ke bô-tāi-tsâi
痴哥又閣無慷慨
tshi-ko iū-koh bô khóng-khài
毋是姑娘無人愛
m̄-sī koo-niû bô-lâng ài
姑娘無人愛
koo-niû bô-lâng ài