失戀傷心曲
《失戀傷心曲》Sit-luân Siong-sim Khik
林海Lîm Hái
——————————————
行到溪邊來看見
kiânn kàu khe-pinn lâi khuànn-kìnn
烏狗烏貓糖蜜甜
oo-káu oo-niau thn̂g-bi̍t-tinn
進一步斟酌共看
tsìn-tsi̍t-pōo tsim-tsiok kā khuànn
予我感覺真歹勢
hōo guá kám-kak tsin pháinn-sè
像較早阮兩个
tshiūnn khah-tsá gún nn̄g-ê
↓↓—(口白)—↓↓
啊~想起當時
ah~ siūnn-khí tong-sî
我所愛的人
guá sóo ài ê lâng
彼个小姑娘
hit ê sió-koo-niû
踮在臺灣的街上
tiàm-tsāi Tâi-uân ê ke-siōng
愛情的十字路口
ài-tsîng ê si̍p-jī-lōo-kháu
予我唚一下
hōo guá tsim–tsi̍t-ē
冷淡的Kiss
líng-tām ê Kiss
暫等兩分鐘
tsiām tán nn̄g hun-tsing
可愛的異鄉小姐
khó-ài ê ī-hiong sió-tsiá
重回故鄉
tiông huê kòo-hiong
少年的我
siàu-liân ê guá
目前失戀中
bo̍k-tsiân sit-luân tiong
啊~叫我怎樣活落去啦
ah~ kiò guá tsánn-iūnn ua̍h–lo̍h-khì lah
↑↑—(口白)—↑↑
怨嘆孤單阮一个
uàn-thàn koo-tuann gún tsi̍t-ê
行到公園家己坐
kiânn kàu kong-hn̂g ka-tī tsē
來一个詳細共看
lâi tsi̍t-ê siông-sè kā khuànn
原來也是頭頕頕
guân-lâi iā-sī thâu tàm-tàm
失戀的小姑娘
sit-luân ê sió-koo-niû
同病相憐我佮伊
tông-pīnn siong-lîn guá kah i
毋知為著啥代誌
m̄-tsai uī-tio̍h siánn tāi-tsì
看一下真正標緻
khuànn–tsi̍t-ē tsin-tsiànn phiau-tì
無疑愛情也失意
bô-gî ài-tsîng iā sit-ì
像這款太克虧
tshiūnn tsit khuán thài khik-khui
↓↓—(口白)—↓↓
啊~無緣的欲出嫁
ah~ bô-iân–ê beh tshut-kè
實在是不應該
si̍t-tsāi sī put ìng-kai
星星知我心
sing-sing ti ngóo sim
恨命莫怨天
hīn miā bo̍k uàn thinn
因為我是男性
in-uī guá sī lâm-sìng
風流三兄弟
hong-liû sam-hiann-tī
落大雨彼日
lo̍h tuā-hōo hit ji̍t
搐搐銅
tiuh-tiuh-tâng
流浪到臺北
liû-lōng kàu Tâi-pak
臺北迎城隍
Tâi-pak ngiâ Sîng-hông
意亂情迷
ì luān tsîng bê
思念我所愛的人
su-liām guá sóo ài ê lâng
美麗的小姑娘
bí-lē ê sió-koo-niû
假情假愛
ké tsîng ké ài
予我愈想愈氣啦
hōo guá jú siūnn jú khì–lah
↑↑—(口白)—↑↑
你我雙人青春時
lí guá siang-lâng tshing-tshun sî
烏狗烏貓的時代
oo-káu oo-niau ê sî-tāi
想啊想
siūnn–ah siūnn
在我來看
tsāi guá lâi khuànn
毋通閣再無拍算
m̄-thang koh-tsài bô phah-sǹg
暝日來空傷悲
mî-ji̍t lâi khang siong-pi
