夢中人

《夢中人》Bāng-tiong-lâng
林強 Lîm Kiông
——————————————
猶原看著窗外的月
iu-guân khuànn tio̍h thang-guā ê gue̍h
想著彼工的盈暗
siūnn-tio̍h hit-kang ê îng-àm
目屎含咧越頭做你走
ba̍k-sái kâm–leh, ua̍t-thâu tsuè lí tsáu
敢有影是思慕的心情
kám ū-iánn sī su-bōo ê sim-tsîng
像堅疕的空喙
tshiūnn kian-phí ê khang-tshuì
予阮袂當來振動
hōo gún buē-tàng lâi tín-tāng

像你的笑容佮我的懵懂
tshiūnn lí ê tshiò-iông kah guá ê bóng-tóng
毋敢和阮來司奶
m̄-kánn hâm gún lâi sai-nai
想阮的走傱佮你的等待
siūnn gún ê tsáu-tsông kah lí ê tán-thāi
攏是命運的安排
lóng-sī miā-ūn ê an-pâi

我愛你
guá ài lí
(口白)—–↓
我只是毋敢講出來
guá tsí-sī m̄-kánn kóng–tshut-lâi
我講袂出來
guá kóng buē tshut-lâi
我真正毋敢講出來
guá tsin-tsiànn m̄-kánn kóng–tshut-lâi
你毋通共我當做是
lí m̄-thang kā guá tòng-tsuè sī
一个無情的人
tsi̍t-ê bô-tsîng ê lâng
(口白)—–↑

猶原看著窗外的雨
iu-guân khuànn tio̍h thang-guā ê hōo
想著彼工的暗暝
siūnn tio̍h hit-kang ê àm-mî
講欲離開
kóng beh lī-khui
目屎落袂離
ba̍k-sái lo̍h bē-lī
只有等待
tsí-ū tán-thāi
夢中來相見
bāng-tiong lâi sio-kìnn
思慕的人
su-bōo ê lâng
敢有可能倒轉來
kám ū khó-lîng tò-tńg–lâi

有你的祝福
ū lí ê tsiok-hok
伴我走天涯
phuānn guá tsáu thian-gâi
我才袂感覺悲哀
guá tsiah buē kám-kak pi-ai
像阮的走傱
tshiūnn gún ê tsáu-tsông
和你的等待
hâm lí ê tán-thāi
攏是命運的安排
lóng-sī miā-ūn ê an-pâi

我愛你
guá ài lí
(口白)—–↓
我毋敢講出來
guá m̄-kánn kóng–tshut-lâi
我真正毋敢講出來
guá tsin-tsiànn m̄-kánn kóng–tshut-lâi
我講袂出來
guá kóng buē tshut-lâi
我講袂出來
guá kóng buē tshut-lâi
(口白)—–↑
我愛你
guá ài lí
我愛你
guá ài lí