你真正上厲害
《你真正上厲害》Lí Tsin-tsiànn Siōng Lī-hāi
林強 Lîm Kiông
——————————————
啥物款人
siánn-mih khuán lâng
若無代無誌
nā bô-tāi-bô-tsì
就欲攑刀去佮人相刣
tō beh gia̍h to khì kah lâng sio-thâi
像我這種的跤數
tshiūnn guá tsit-tsióng ê kha-siàu
你若看恁爸較無
lí nā khuànn lín-pē khah bô
莫怪恁公欲死無交代
mài kuài lín-kong beh sí bô kau-tài
你真正上厲害 (你雙跤徛予在)
lí tsin-tsiànn siōng lī-hāi (lí siang-kha khiā hōo tsāi)
你真正有影厲害(袂爽做恁來)
lí tsin-tsiànn ū-iánn lī-hāi (bē-sóng tsò lín lâi)
你真正上厲害(我刣刣刣刣刣)
lí tsin-tsiànn siōng lī-hāi (guá thâi, thâi, thâi, thâi, thâi )
你真正有影厲害
lí tsin-tsiànn ū-iánn lī-hāi
自從我生出來遮爾歹
tsū-tsiông guá sinn tshut-lâi tsiah-nī pháinn
猶未畢業
iáu-bē pit-gia̍p
我就共學校講BYE BYE
guá tō kā ha̍k-hāu kóng BYE BYE
兄弟仔相招來交陪
hiann-tī-á sio-tsio lâi kau-puê
查某囡仔的粉味我上愛
tsa-bóo gín-á ê hún-bī guá siōng ài
感化院長逐工來唸經
kám-huà īnn-tiúnn ta̍k-kang lâi liām-king
講寡仔五四三的道理予阮知
kóng kuá-á gōo-sì-sann ê tō-lí hōo gún tsai
伊講我是抾捔的毋成囡仔
i kóng guá sī khioh-ka̍k ê m̄-tsiânn gín-á
恁爸就是袂癮改
lín-pē tō-sī bē-giàn kái
你真正上厲害 (我真正上厲害)
lí tsin-tsiànn siōng lī-hāi (guá tsin-tsiànn siōng lī-hāi)
你真正有影厲害 (我真正厲害)
lí tsin-tsiànn ū-iánn lī-hāi (guá tsin-tsiànn lī-hāi)
你真正上厲害 (我刣刣刣刣刣)
lí tsin-tsiànn siōng lī-hāi (guá thâi, thâi, thâi, thâi, thâi )
你真正有影厲害
lí tsin-tsiànn ū-iánn lī-hāi
恁講我想啥
lí kóng guá siūnn sánn
恁攏了解
lí lóng liáu-kái
恁莫予我笑甲落下頦
lín mài hōo guá tshiò kah làu-ē-hâi
單挑挩注
tan-thiau thuah-tù
恁來試看覓
lín lâi tshì-khuànn-māi
保證驚甲予你
pó-tsìng kah hōo-lí
予你來疶屎
hōo-lí lâi tshuah-sái
因為世界本來就是無公平
in-uī sè-kài pún-lâi tiō-sī bô kong-pênn
恁做好人
lí tsò hó-lâng
我來做歹
guá lâi tsuè-pháinn
毋管啥物原因
m̄-kuán siánn-mih guân-in
應不應該
ìng put ìng-kai
生死我已經交予天安排
senn-sí guá í-king kau hōo thinn an-pâi
啥物款人
siánn-mih khuán lâng
生活快快樂樂
sing-ua̍h khuài-khuài-lo̍k-lo̍k
會使得著社會溫暖的疼愛
ē-sái tit-tio̍h siā-huē un-luán ê thiànn-ài
像我這種生出來
tshiūnn guá tsit-tsióng senn tshut-lâi
就歹看面的
tiō pháinn-khuànn-bīn–ê
敢著註定行入烏暗的苦海
kám tio̍h tsù-tiānn kiânn-ji̍p oo-àm ê khóo-hái
啦~啦~啦~啦~啦~
真正上厲害
tsin-tsiànn siōng lī-hāi
啦~啦~啦~啦~啦~
你真正上厲害
lí tsin-tsiànn siōng lī-hāi
