新夜市人生
《新夜市人生》Sin Iā-tshī Jîn-sing
林俊吉Lîm Tsùn-kiat
——————————————
毋知偌濟人
m̄-tsai guā-tsuē lâng
前途茫茫揣無路
tsiân-tôo bâng-bâng tshuē-bô lōo
毋知偌濟人
m̄-tsai guā-tsuē lâng
情海迷航困半途
tsîng-hái bê-hâng khùn puàn-tôo
毋通怨妒
m̄-thang uàn-tòo
毋通怪天無照顧
m̄-thang kuài thinn bô tsiàu-kòo
聽人講
thiann lâng kóng
天無絕人之路
thinn bô tsua̍t jîn tsi lōo
毋知偌濟人
m̄-tsai guā-tsuē lâng
無閒袂記看時鐘
bô-îng buē-kì khuànn sî-tsing
毋知偌濟人
m̄-tsai guā-tsuē lâng
無閒攑頭看天頂
bô-îng gia̍h-thâu khuànn thinn-tíng
美麗夜景
bí-lē iā-kíng
無人欣賞失光明
bô-lâng him-sióng sit kong-bîng
怪罪青春佮歲月無情
kuài-tsuē tshing-tshun kah suè-gua̍t bô-tsîng
夜市的人生
iā-tshī ê jîn-sing
命運親像走馬燈
miā-ūn tshin-tshiūnn tsáu-bé-ting
講出男男女女心情
kóng-tshut lâm-lâm-lú-lú sim-tsîng
虛虛華華人生
hi-hi-hua-hua jîn-sing
愛恨傷感情
ài-hūn siong kám-tsîng
夜市的人生
iā-tshī ê jîn-sing
悲歡全靠天食穿
pi-huan tsuân khò thinn tsia̍h-tshīng
看清冷冷暖暖世情
khuànn-tshing líng-líng-luán-luán sè-tsîng
恩恩怨怨人生
un-un-uàn-uàn jîn-sing
風過雨小停
hong kuè hōo sió thîng
望天答應
bāng thinn tah-ìng
