拚一口氣

《拚一口氣》Piànn Tsi̍t-kháu-khuì
林俊吉Lîm Tsùn-kiat
——————————————
攑頭看
gia̍h-thâu khuànn
猶原日頭赤焱焱
iu-guân ji̍t-thâu tshiah iānn-iānn
好抑䆀
hó ia̍h bái
總是隨人顧性命
tsóng-sī suî lâng kòo sìnn-miā
人是?迌閣虛華
lâng sī tshit-thô koh hi-hua
咱是為著顧粗飽
lán sī uī-tio̍h kòo tshoo-pá
雨若淋
hōo nā lâm
嘛著繼續行
mā tio̍h kè-sio̍k kiânn

越頭看
ua̍t-thâu khuànn
坎坷的路行到遮
khám-khia̍t ê lōo kiânn kàu tsia
好抑䆀
hó ia̍h bái
總是攏愛家己擔
tsóng-sī lóng ài ka-kī tann
毋驚別人按怎看
m̄-kiann pa̍t-lâng án-tsuánn khuànn
猶原堅持向前行
iu-guân kian-tshî hiòng-tsiân kiânn
查埔囝毋驚苦來磨
tsa-poo-kiánn m̄-kiann khóo lâi buâ

拚一口氣
piànn tsi̍t-kháu-khuì
做予人看
tsuè hōo-lâng khuànn
毋管愛流偌濟血汗
m̄-kuán ài lâu guā-tsuē huih-kuānn
成功失敗予天註定
sîng-kong sit-pāi hōo thinn tsù-tiānn

賭一口氣
tóo tsi̍t-kháu-khuì
風雨我毋驚
hong-hōo guá m̄-kiann
提出氣魄
the̍h tshut khì-phik
為理想拚輸贏
uī lí-sióng piànn-su-iânn