夢中的玫瑰

《夢中的玫瑰》Bāng-tiong ê Muî-kuì
林俊吉Lîm Tsùn-kiat
——————————————
我毋知
guá m̄-tsai
痴情的代價
tshi-tsîng ê tāi-kè
心囥你身邊
sim khǹg lí sin-pinn
就歹收回
tiō pháinn siu-huê
我毋知
guá m̄-tsai
想一个人
siūnn tsi̍t-ê lâng
日子會遮艱苦過
ji̍t-tsí ē tsiah kan-khóo kuè
欲怎樣
beh tsuánn-iūnn
才袂傷心袂後悔
tsiah buē siong-sim buē hiō-hué

來無影去無蹤
lâi bô-iánn khì bû-tsong
宛然像雲過月
uán-jiân tshiūnn hûn kuè gue̍h
掠袂著看袂清你的心底
lia̍h buē tio̍h khuànn buē tshing lí ê sim-té
你的聲你的影
lí ê siann lí ê iánn
踮在我夢中不斷徘迴
tiàm-tsāi guá bāng-tiong put-tuān pâi-huê
離別的彼句話
lī-pia̍t ê hit kù uē
有緣再相會
ū-iân tsài siong-huē

夢中的玫瑰
bāng-tiong ê muî-kuì
三分的淒涼苦楚
sann-hun ê tshe-liâng khóo-tshóo
七分的朦朧美麗
tshit-hun ê bông-lông bí-lē
夢中的玫瑰
bāng-tiong ê muî-kuì
心疼的彼蕊花
sim thiànn ê hit luí hue
予我意亂又痴迷
hōo guá ì-luān iū tshi-bê