都馬調
《都馬調》Too-má-tiāu
林俊 Lîm Tsūn
——————————————
我是五尺以上的查埔囝
guá sī gōo-tshioh í-siōng ê tsa-poo-kiánn
看著小姐來心驚驚
khuànn-tio̍h sió-tsiá–lâi sim kiann-kiann
但是我無某
tān-sī guá bô bóo
想著會心痛疼
siūnn tio̍h ē sim thàng-thiànn
何時何日
hô-sî hô-ji̍t
我才會生囝
guá tsiah-ē senn-kiánn
我並毋是失去了生囝命
guá pīng m̄-sī sit-khì liáu senn-kiánn miā
事實是去予小姐來拍著驚
sū-si̍t sī khì hōo sió-tsiá lâi phah tio̍h-kiann
以前的代誌無講
í-tsîng ê tāi-tsì bô kóng
你毋知影
lí m̄ tsai-iánn
若欲講起是真長
nā beh kóng-khí sī tsin tn̂g
一山坪
tsi̍t suann-phiânn
十八年前
tsa̍p-pueh-nî tsîng
我飄撇來出風頭喔
guá phiau-phiat lâi tshut-hong-thâu–ooh
阮查某朋友
gún tsa-bóo pîng-iú
才會綴我去阮兜
tsiah-ē tè guá khì gún tau
以後的日子
í-āu ê ji̍t-tsí
戇戇也毋知通哭
gōng-gōng iā m̄-tsai thang khàu
紲落經過幾年後
suà–lo̍h king-kuè kuí nî āu
伊都時常攑掃帚頭
i to sî-siông gia̍h sàu-tshiú thâu
阮查某朋友
gún tsa-bóo pîng-iú
無講你是袂了解啊
bô kóng lí sī buē liáu-kái–ah
若歡喜的時
nā huann-hí ê sî
伊是真?司奶
i sī tsin gâu sai-nai
啊若受氣的時陣
ah nā siūnn-khì ê sî-tsūn
一个面是親像高麗菜
tsi̍t-ê bīn sī tshin-tshiūnn ko-lê-tshài
若咧學阿九仔的形態
ná leh o̍h A-kiú-á ê hîng-thài
我就愈看愈悲哀喔
guá tiō jú khuànn jú pi-ai–ooh
阮查某朋友
gún tsa-bóo pîng-iú
對我毋捌講理由啊
tuì guá m̄-pat kóng lí-iû–ah
心肝真殘忍
sim-kuann tsin tsân-jím
雙手捎咧伊都烏白搝
siang-tshiú sa–leh i to oo-pe̍h giú
毋管啥物所在
m̄-kuán siánn-mih sóo-tsāi
予伊㨑咧伊都一直
hōo i tsang–leh i tio it-ti̍t hiù
我有時就會予伊
guá ū-sî tiō ē hōo i
甲咧虯虯虯
hiù kah teh khiű-khiû khiû
阮查某朋友
gún tsa-bóo pîng-iú
佮人嘛真?冤啊
kah lâng mā tsin gâu uan–ah
我看伊都媠媠啊
guá khuànn i to suí-suí–ah
為怎樣啊會番番
uī tsuánn-iūnn–ah ē huan-huan
罵我是無人緣的
mē guá sī bô-lâng-iân–ê
又閣再顧人怨
iū koh-tsài kòo-lâng-uàn
叫我著去照鏡
kiò guá tio̍h khì tsiò-kiànn
予我?仔來結規丸
hōo guá thiāu-á lâi kiat-kui-uân
真怨嘆
tsin uàn-thàn
怨嘆阮查某朋友
uàn-thàn gún tsa-bóo pîng-iú
因何會遮歹款
in-hô ē tsiah pháinn-khuán
才會予我的心肝仔
tsiah-ē hōo guá ê sim-kuann-á
每工也咧操煩
muí-kang iā teh tshiau-huân
阮查某朋友
gún tsa-bóo pîng-iú
對我是真僥倖啊
tuì guá sī tsin hiau-hīng–ah
枉費我?伊
óng-huì guá tshuā i
去看人咧賣豆奶
khì khuànn lâng teh buē tāu-ling
嘛?伊去菜市仔
mā tshuā i khì tshài-tshī-á
看人咧賣龍眼
khuànn-lâng teh buē lîng-gíng
嘛?伊去殯儀館
mā tshuā i khì pin-gî-kuán
看人咧賣枝仔冰喔
khuànn-lâng teh buē ki-á-ping–ooh
阮查某朋友的做法
gún tsa-bóo pîng-iú ê tsuè-huat
是悽慘代啊
sī tshi-tshám tāi–ah
毋願交我傳宗
m̄-guān kiau guá thuân-tsong
予我絕種來失人才
hōo guá tsua̍t-tsíng lâi sit lâng-tsâi
叫我離緣離開啊
kiò guá lī-iân lī-khui–ah
我無愛
guá bô-ài
如今逐家
jû-kim ta̍k-ke
才會笑我是呆呆喔
tsiah-ē tshiò guá sī tai-tai–ooh
我林俊林俊
guá Lîm Tsùn, Lîm Tsùn
䆀了是有澈底啊
bái liáu sī ū thiat-té–ah
揣無一个查某
tshuē-bô tsi̍t-ê tsa-bóo
通好啊來成家
thang-hó–ah lâi sîng-ke
攝攝的公婆仔
liap-liap ê kong pô–á
恁查某囝著愛緊嫁
lín tsa-bóo-kiánn tio̍h-ài kín kè
我祕雕才有機會
guá Pì-tiau tsiah ū ki-huē
早日來生後生喔
tsá-ji̍t lâi senn hāu-senn–ooh
