相片

《相片》Siòng-phìnn
林姍Lîm San
——————————————
一張相片
tsi̍t-tiunn siòng-phìnn
滿滿的回憶
muá-muá ê huê-ik
眼神徙袂開
gán-sîn suá buē khui
倚佇身邊的彼个你
uá tī sin-pinn ê hit ê lí

一張相片
tsi̍t-tiunn siòng-phìnn
藏著偌濟相思
tshàng tio̍h guā-tsuē siunn-si
金金看著你
kim-kim-khuànn tio̍h lí
不覺珠淚澹目墘
put-kak tsu-luī tâm ba̍k-kînn

為啥物你欲來離開
uī-siánn-mih lí beh lâi lī-khui
咱嘛有快樂的過去
lán mā ū khuài-lo̍k ê kuè-khì
如今放我獨相思
jû-kim pàng guá to̍k siunn-si
冬天過了無春天
tang-thinn kuè-liáu bô tshun-thinn

為啥物放攏放袂開
uī-siánn-mih pàng lóng pàng buē khui
喚不回快樂換空虛
huàn put-huê khuài-lo̍k uānn khang-hi
如今只賰
jû-kim tsí tshun
金金看著
kim-kim-khuànn tio̍h
這張相片
tsit tiunn siòng-phìnn
思念你
su-liām lí