母仔喂
《母仔喂》Bú–á uê
林秀珠Lîm Siù-tsu
——————————————
爸母貪著金手指
pē-bú tham-tio̍h kim-tshiú-tsí
貪著臺幣遮濟錢
tham-tio̍h tâi-pè tsiah tsuē tsînn
將阮身軀賣出去
tsiong gún sin-khu buē–tshut-khì
予人當做?迌物
hōo-lâng tòng-tsuè tshit-thô-mi̍h
母仔喂
bú–á uê
愛錢無想著女兒
ài-tsînn bô siūnn-tio̍h lú-jî
每日出門三輪車
muí-ji̍t tshut-mn̂g sann-lián-tshia
坐來坐去毋免行
tsē-lâi-tsē-khì m̄-bián kiânn
外觀看著真好命
guā-kuan khuànn tio̍h tsin hó-miā
心肝像在枉死城
sim-kuann tshiūnn tsāi óng-sí-siânn
母仔喂
bú–á uê
愛錢無想囝名聲
ài-tsînn bô siūnn kiánn miâ-siann
世人毋知阮心情
sè-lâng m̄-tsai gún sim-tsîng
歡喜金鍊掛胸前
huann-hí kim-liān kuà hing-tsîng
雖是榮華啥路用
sui sī îng-huâ siánn lōo-īng
毋是永遠的愛情
m̄-sī íng-uán ê ài-tsîng
母仔喂
bú–á uê
愛錢無想囝一生
ài-tsînn bô siūnn kiánn it-sing