愛情薰煙

《愛情薰煙》Ài-tsîng Hun-ian

林良歡Lîm Liông-huan

——————————————

愛情像薰煙

ài-tsîng tshiūnn hun-ian

迷人的芳氣徘徊

bê-lâng ê phang-khuì pâi-huê

情煙茫茫囥心底

tsîng-ian bâng-bâng khǹg sim-té

愛情像薰煙

ài-tsîng tshiūnn hun-ian

寂寞的滋味我一个

tsi̍k-bo̍k ê tsu-bī guá tsi̍t-ê

情煙消散

tsîng-ian siau-sàn

叫阮對佗位揣

kiò gún tuì tó-uī tshuē

啊~愛情像薰煙

ah~ ài-tsîng tshiūnn hun-ian

這款心疼

tsit khuán sim-thiànn

啥人會來體會

siánn-lâng ē lâi thé-huē

你若欲離開我

lí nā beh lī-khui guá

請你著講詳細

tshiánn lí tio̍h kóng siông-sè

毋通放阮

m̄-thang pàng gún

孤孤單單寂寞一个

koo-koo-tuann-tuann tsi̍k-bo̍k tsi̍t-ê

啊~愛情像薰煙

ah~ ài-tsîng tshiūnn hun-ian

霜風吹散

sng-hong tshue-suànn

想欲挽也挽不回

siūnn-beh bán iā bán put-huê

只賰雙人的記持

tsí tshun siang-lâng ê kì-tî

一張暗淡的情批

tsi̍t-tiunn àm-tām ê tsîng-phue

越頭看見

ua̍t-thâu khuànn-kìnn

你已經不再回

lí í-king put-tsài huê