情話綿綿

《情話綿綿》Tsîng-uē Mî-mî

林姍Lîm San

——————————————

管待你甜言蜜語

kuán-thāi lí tinn-giân-bi̍t-gí

用偌濟花言巧語

iōng guā-tsuē hua-giân-khá-gí

毋通來數想

m̄-thang lâi siàu-siūnn

想欲得著我的佮意

siūnn-beh tit-tio̍h guá ê kah-ì

無人奅

bô-lâng phānn

我袂自卑

guá buē tsū-pi

討電話

thó tiān-uē

我會予你

guá ē hōo lí

但是莫數想

tān-sī mài siàu-siūnn

我會佮你情話綿綿

guá ē kah lí tsîng-uē mî-mî

請你就毋免費盡心機

tshiánn lí tiō m̄-bián huì-tsīn sim-ki

我有我家己的主意

guá ū guá ka-kī ê tsú-ì

你若無聽我苦勸

lí nā bô thiann guá khóo-khǹg

我會將你踢對門邊

guá ē tsiong lí that tuì mn̂g-pinn

免費盡心機

bián huì-tsīn sim-ki

得著我對你的佮意

tit-tio̍h guá tuì lí ê kah-ì

你若無聽我苦勸

lí nā bô thiann guá khóo-khǹg

我會將你踢對門邊

guá ē tsiong lí that tuì mn̂g-pinn

莫怪我無講道義

mài kuài guá bô kóng tō-gī