蘇蘭妹妹
https://www.youtube.com/watch?v=a5pxFmmhy4k&fbclid=IwAR0V4_87WxYk916ch4PwywfZQ5r7mfgqoEZzycy0TcJS75WACCjzwADIlM8
《蘇蘭妹妹》Soo-lân Muē-muē
林世芳Lîm Sè-hong
——————————————
彼个蘇蘭蘇蘭蘇蘭
hit ê Soo-lân Soo-lân Soo-lân
蘇蘭妹妹嗨嗨
Soo-lân muē-muē–haih-haih
毋願佮我離開
m̄-guān kah guá lī-khui
彼个可愛小姑娘
hit ê khó-ài sió-koo-niû
講起著永遠對我
kóng-khí tio̍h íng-uán tuì guá
真情欲來相愛
tsin-tsîng bueh lâi siong-ài
甘願來跟隨著我
kam-guān lâi kin-suî tio̍h guá
艱苦流浪過日子
kan-khóo liû-lōng kè ji̍t-tsí
不過我是孤單的
put-kò guá sī koo-tuann ê
隨風飄流的男兒
suî hong phiau-lâu ê lâm-jî
毋通為我來思戀
m̄-thang uī guá lâi su-luân
毋通來思戀
m̄-thang lâi su-luân
請你來放予袂記
tshiánn lí pàng hōo buē-kì
毋通為我來閣想
m̄-thang uī guá lâi koh siūnn
我就是無情義的
guá tsiū-sī bô-tsîng-gī ê
一个流浪兒唷
tsi̍t-ê liû-lōng-jî–iooh
也是會會唷
iā-sī ē ē–iooh
是會來閣想
sī ē lâi koh siūnn
哈!來閣想來閣想
hah! lâi koh siūnn lâi koh siūnn
毋驚波浪生活
m̄-kiann pho-lōng sing-ua̍h
海上行船的男兒
hái-siōng kiânn-tsûn ê lâm-jî
只有是驚著一个
tsí-ū sī kiann tio̍h tsi̍t-ê
可愛彼个妹妹
khó-ài hit ê muē-muē
不時來對我表示
put-sî lâi tuì guá piáu-sī
叫我趕緊回轉去
kiò guá kuánn-kín huê-tńg–khì
不過我是孤單的
put-kò guá sī koo-tuann ê
隨風飄流的男兒
suî hong phiau-lâu ê lâm-jî
甘願寂寞過日子
kam-guān tsi̍k-bo̍k kè ji̍t-tsí
寂寞過日子
tsi̍k-bo̍k kè ji̍t-tsí
做男兒毋通為著
tsuè lâm-jî m̄-thang uī-tio̍h
執迷女性暗思戀
tsip-bê lú-sìng àm su-luân
我就是無依倚的
guá tsiū-sī bô i-uá ê
一个流浪兒唷
tsi̍t-ê liû-lōng-jî–iooh
也是會會唷
iā-sī ē ē–iooh
是會來閣想
sī ē lâi koh siūnn
哈!來閣想來閣想
hah! lâi koh siūnn lâi koh siūnn
彼个蘇蘭蘇蘭蘇蘭
hit ê Soo-lân Soo-lân Soo-lân
蘇蘭妹妹嗨嗨
Soo-lân muē-muē–haih-haih
雖然伊的情份
sui-jiân i ê tsîng-hūn
永遠予我難袂記
íng-uán hōo guá lân buē-kì
若是在多情月暝
nā-sī tsāi to-tsîng ge̍h-mî
抑是落雨暗暝
ia̍h-sī lo̍h-hōo àm-mî
想起著彼个姑娘
siūnn-khí tio̍h hit ê koo-niû
也是會來暗思戀
iā-sī ē lâi àm su-luân
不過我是孤單的
put-kò guá sī koo-tuann ê
隨風飄流的男兒
suî hong phiau-lâu ê lâm-jî
毋甘害伊的將來
m̄-kam hāi i ê tsiong-lâi
害伊的將來
hāi i ê tsiong-lâi
