愛你親像夢
《愛你親像夢》Ài Lí Tshin-tshiūnn Bāng
杜忻恬Tōo Him-thiâm
——————————————
愛你親像夢
ài lí tshin-tshiūnn bāng
夢醒一切變成空
bāng tshínn it-tshè piàn-sîng khang
美麗的路
bí-lē ê lōo
如今變甲遮烏暗
jû-kim piàn kah tsiah oo-àm
是你予阮希望
sī lí hōo gún hi-bāng
為何雄心將手來放
uī-hô hiông-sim tsiong tshiú lâi pàng
孤單的路
koo-tuann ê lōo
愈行愈迷茫
jú kiânn jú bê-bâng
一蕊紅豔的花欉
tsi̍t-luí âng-iām ê hue-tsâng
毋驚霜雪來凍
m̄-kiann sng-seh lâi tàng
一工一工
tsi̍t-kang tsi̍t-kang
等待心愛的人
tán-thāi sim-ài ê lâng
日日夜夜向望
ji̍t-ji̍t-iā-iā ǹg-bāng
原來是阮咧做夢
guân-lâi sī gún teh tsuè-bāng
夢醒煞賰阮一人
bāng tshínn suah tshun gún tsi̍t-lâng
愛你親像夢
ài lí tshin-tshiūnn bāng
夢醒揣無你的人
bāng tshínn tshuē-bô lí ê lâng
曾經的話
tsan-king ê uē
如今變甲遮淒涼
jû-kim piàn kah tsiah tshe-liâng
你的山盟海誓
lí ê san-bîng-hái-sè
予阮編織美麗的夢
hōo gún pian-tsit bí-lē ê bāng
空空的心
khang-khang ê sim
期待著你的人
kî-thāi tio̍h lí ê lâng
一蕊紅豔的花欉
tsi̍t-luí âng-iām ê hue-tsâng
毋驚霜雪來凍
m̄-kiann sng-seh lâi tàng
一冬一冬
tsi̍t-tang tsi̍t-tang
守著心愛的人
siú tio̍h sim-ài ê lâng
日日夜夜向望
ji̍t-ji̍t-iā-iā ǹg-bāng
原來是阮咧做夢
guân-lâi sī gún teh tsuè-bāng
夢醒煞賰阮一人
bāng tshínn suah tshun gún tsi̍t-lâng
—
夢醒一切攏是空
bāng tshínn it-tshè lóng-sī khang