你有講過

《你有講過》Lí Ū Kóng–kuè

李愛綺Lí Ài-khí(李嘉Lí Ka)

——————————————

今夜又閣來失眠

kim-iā iū-koh lâi sit-bîn

想起彼段感情債

siūnn-khí hit tuānn kám-tsîng tsè

雖然已經是經過

sui-jiân í-king sī king-kuè

你猶原在我的心內底

lí iu-guân tsāi guá ê sim-lāi-té

因為你的一句話

in-uī lí ê tsi̍t-kù uē

我墜落無底深坑

guá tuī-lo̍h bô-té tshim-khenn

因為你的一句話

in-uī lí ê tsi̍t-kù uē

我愛你

guá ài lí

比愛家己較濟

pí ài ka-kī khah tsuē

山盟海誓

san-bîng-hái-sè

你有講過

lí ū kóng-kuè

永遠愛阮袂後悔

íng-uán ài gún buē hiō-hué

這句話親像放風吹

tsit kù uē tshin-tshiūnn pàng hong tshue

是你來違背

sī lí lâi uî-puē

當初的彼段真心話

tong-tshoo ê hit tuānn tsin-sim uē

如今鳥隻自由飛

jû-kim tsiáu-tsiah tsū-iû pue

從今後予我一个人

tsiông-kim-āu hōo guá tsi̍t-ê-lâng

毋通對愛太痴迷

m̄-thang tuì ài thài tshi-bê