青春的戀夢

《青春的戀夢》Tshing-tshun ê Luân-bāng

王識賢Ông Sik-hiân

——————————————

我恬恬徛在窗邊

guá tiām-tiām khiā tsāi thang-pinn

看外面已經深更

khuànn guā-bīn í-king tshim-kinn

一陣風吹來傷悲

tsi̍t-tsūn hong tshue lâi siong-pi

愈來愈近

jú lâi jú kīn

又想起你的聲音

iū siūnn-khí lí ê siann-im

又想起你的模樣

iū siūnn-khí lí ê bôo-iūnn

害著我

hāi-tio̍h guá

思念的心攏無眠

su-liām ê sim lóng bô-bîn

想著咱彼段戀情

siūnn-tio̍h lán hit tuānn luân-tsîng

已過去

í kuè–khì

無人安慰

bô-lâng an-uì

叫我欲孤單到何時

kiò guá beh koo-tuann kàu hô-sî

啊~青春的戀夢

ah~ tshing-tshun ê luân-bāng

為怎樣

uī-tsuánn-iūnn

如今煞來變成空

jû-kim suah lâi piàn-sîng khang

所有期待的希望

sóo-ū kî-thāi ê hi-bāng

為啥物完全無望

uī-siánn-mih uân-tsuân bô-bāng

欲怎樣會堪

beh tsuánn-iūnn ē-kham

心情遮沉重

sim-tsîng tsiah tîm-tāng

欲按怎

beh án-tsuánn

才會當來放輕鬆

tsiah ē-tàng lâi pàng khin-sang

分開已經遮濟冬

hun-khui í-king tsiah tsuē tang

你永遠踮阮心內

lí íng-uán tiàm gún sim-lāi

是一生的怨嘆

sī it-sing ê uàn-thàn

—

戀夢已經離開

luân-bāng í-king lī-khui

我只有怨嘆傷心

guá tsí-ū uàn-thàn siong-sim

一陣雨藏佇天邊

tsi̍t-tsūn hōo tshàng tī thinn-pinn

愈來愈滇

jú lâi jú tīnn

又想起你的純真

iū siūnn-khí lí ê sûn-tsin

又想起你的煩憂

iū siūnn-khí lí ê huân-iu

害著我思念的心

hāi-tio̍h guá su-liām ê sim

放袂離

pàng buē-lī