衝出一片天
《衝出一片天》Tshiong tshut Tsi̍t-phìnn Thinn
王江發Ông Kang-huat
——————————————
將著希望
tsiong tio̍h hi-bāng
來寄佇彼个遙遠的城市
lâi kià tī hit ê iâu-uán ê siânn-tshī
手內捾著一跤行李
tshiú lāi kuānn tio̍h tsi̍t-kha hîng-lí
我心內早已經有準備
guá sim-lāi tsá í-king ū tsún-pī
既然外出揣時機
kì-jiân guā-tshut tshuē sî-ki
著衝出一片天
tio̍h tshiong tshut tsi̍t-phìnn thinn
人生途徑正在展開
jîn-sing tôo-kìng tsiànn tsāi thián-khui
望欲出頭天
bāng beh tshut-thâu-thinn
啊~望欲出頭天
ah~ bāng beh tshut-thâu-thinn
有氣力衝刺
ū khuì-la̍t tshiong-tshì
用腦筋考慮
iōng náu-kin khó-lī
凡事莫去惹是非
huân-sū mài khì jiá sī-hui
趕上車
kuánn tsiūnn-tshia
人生路行出去
jîn-sing-lōo kiânn–tshut-khì
呼吸外頭新鮮的空氣
hoo-khip guā-thâu sin-sian ê khong-khì
無咧驚
bô leh kiann
寒冬後見春天
hân-tang āu kìnn tshun-thinn
毋管環境如何變卦
m̄-kuán khuân-kíng jû-hô piàn-kuà
衝出重圍
tshiong tshut tiông-uî
—
趕上車
kuánn tsiūnn-tshia
人生路行出去
jîn-sing-lōo kiânn–tshut-khì
呼吸外頭新鮮的空氣
hoo-khip guā-thâu sin-sian ê khong-khì
無咧驚
bô leh kiann
寒冬後見春天
hân-tang āu kìnn tshun-thinn
毋管環境如何變卦
m̄-kuán khuân-kíng jû-hô piàn-kuà
衝出一片天
tshiong tshut tsi̍t-phìnn thinn
