牽腸掛肚

《牽腸掛肚》Khan-tn̂g Kuà-tōo

王江發Ông Kang-huat

——————————————

問一聲你過了好無

mn̄g tsi̍t-siann lí kuè-liáu hó–bô

離開這幾年

lī-khui tsit kuí nî

你身邊

lí sin-pinn

敢有人共你照顧

kám ū-lâng kā lí tsiàu-kòo

思念的心

su-liām ê sim

暝暝牽腸掛肚

mî-mî khan-tn̂g kuà-tōo

遺憾袂當為你來守護

uî-hām buē-tàng uī lí lâi siú-hōo

如今我悔不當初

jû-kim guá hué put tong-tshoo

才著忍受苦楚

tsiah tio̍h jím-siū khóo-tshóo

無緣牽你行人生路

bô-iân khan lí kiânn jîn-sing-lōo

攏是我的過錯

lóng-sī guá ê kuè-tshò

希望來世有機會

hi-bāng lâi-sè ū ki-huē

予我對你來彌補

hōo guá tuì lí lâi mí-póo

曾經佮你仝床舖

tsan-king kah lí kāng tshn̂g-phòo

才會為你牽腸掛肚

tsiah ē uī lí khan-tn̂g kuà-tōo