新市的雨

《新市的雨》Sin-tshī ê Hōo

王江發Ông Kang-huat

——————————————

霜冷的風

sng-líng ê hong

無情的雨

bô-tsîng ê hōo

沃甲心情澹糊糊

ak kah sim-tsîng tâm-kôo-kôo

失去了你的人

sit-khì liáu lí ê lâng

失去了青春夢

sit-khì liáu tshing-tshun bāng

如今我悔不當初

jû-kim guá hué put tong-tshoo

一个人孤孤單單

tsi̍t-ê-lâng koo-koo-tuann-tuann

徛在南科的大路

khiā tsāi Lâm-kho ê tuā-lōo

心肝內較想也是

sim-kuann-lāi khah siūnn iā-sī

你咱過去的幸福

lí lán kuè-khì ê hīng-hok

愛情已經揣無住所

ài-tsîng í-king tshuē-bô tsū-sóo

回頭也無法度

huê-thâu iā bô-huat-tōo

叫阮怎樣覺悟

kiò gún tsuánn-iūnn kak-gōo

只有你

tsí-ū lí

了解阮的痛苦

liáu-kái gún ê thòng-khóo

新市的雨

Sin-tshī ê hōo