戀戀台北城

《戀戀台北城》Luân-luân Tâi-pak-siânn

王江發Ông Kang-huat

——————————————

總是想你的形影

tsóng-sī siūnn lí ê hîng-iánn

因為真久無來看

in-uī tsin kú bô lâi khuànn

阮踮最愛的所在

gún tiàm tsuè ài ê sóo-tsāi

初戀時的臺北城

tshoo-luân sî ê Tâi-pak-siânn

愛人啊敢有咧聽

ài-jîn–ah kám ū teh thiann

愛人啊敢會記啦

ài-jîn–ah kám ē-kì–lah

踅夜市淡水河邊

se̍h iā-tshī Tām-tsuí-hô pinn

咱約束永不分離

lán iok-sok íng put hun-lî

啊~美麗臺北城

ah~ bí-lē Tâi-pak-siânn

難忘紗帽山

lân-bōng Se-bō-suann

雲是慢慢仔飛

hûn sī bān-bān-á pue

有心人咧等著啥

ū-sim-lâng teh tán tio̍h siánn

想起熱戀臺北城

siūnn-khí jia̍t-luân Tâi-pak-siânn

有咱的情歌

ū lán ê tsîng-kua

夜怎通放阮攬孤單

iā tsuánn thang pàng gún lám koo-tuann

心愛的阮猶佇遮

sim-ài–ê gún iáu tī tsia

思念情火拍袂化

su-liām tsîng-hué phah buē hua

等你等你來做伴

tán lí tán lí lâi tsuè-phuānn

相逢臺北城

siong-hông Tâi-pak-siânn