心悶

《心悶》Sim Būn

王識賢Ông Sik-hiân

——————————————

一句毋捌講出的話

tsi̍t-kù m̄-bat kóng–tshut ê uē

囥佇阮心底

khǹg tī gún sim-té

一張寫予你的批

tsi̍t-tiunn siá hōo lí ê phue

毋知寄去佗

m̄-tsai kià khì tueh

一隻斷線的風吹

tsi̍t-tsiah tn̄g-suànn ê hong-tshue

隨風飄落地

suî hong phiau lo̍h-tē

一句對不住的話

tsi̍t-kù tuì-put-tsū ê uē

對誰講詳細

tuì siáng kóng siông-sè

遮濟年的風雨

tsiah tsuē nî ê hong-hōo

相信咱攏付出代價

siong-sìn lán lóng hù-tshut tāi-kè

昨暝無睏的燈火

tsa-mî bô khùn ê ting-hué

陪我想你想規暝

puê guá siūnn lí siūnn kui-mê

是阮無予你機會

sī gún bô hōo lí ki-huē

抑是你毋願解說

ia̍h-sī lí m̄-guān kái-sueh

過去的錯誤

kuè-khì ê tshò-gōo

咱攏無後悔的資格

lán lóng bô hiō-hué ê tsu-keh

是阮無予你機會

sī gún bô hōo lí ki-huē

抑是你毋願坦白

ia̍h-sī lí m̄-guān thán-pe̍h

阮袂來恨你

gún buē lâi hūn lí

只是欲予你知影

tsí-sī beh hōo lí tsai-iánn

一世人的心悶

tsi̍t-sì-lâng ê sim būn

只為你一个

tsí uī lí tsi̍t-ê