你是我的駁岸
《你是我的駁岸》Lí Sī Guá ê Poh-huānn
王識賢Ông Sik-hiân
——————————————
有星佇咧看
ū tshinn tī-teh khuànn
是你軟心肝
sī lí nńg sim-kuann
原諒我將你來磨
guân-liōng guá tsiong lí lâi buâ
寂寞暝加添孤單
tsi̍k-bo̍k mî ka-thiam koo-tuann
是天咧創治我
sī thinn teh tshòng-tī guá
叫我欲按怎
kiò guá beh án-tsuánn
艱苦也嘛著行
kan-khóo iā-mā tio̍h kiânn
毋驚風雨偌大
m̄-kiann hong-hōo guā tuā
一陣陣雷聲
tsi̍t-tsūn-tsūn luî-siann
親像你咧問我
tshin-tshiūnn lí teh mn̄g guá
你敢是我的性命
lí kám-sī guá ê sìnn-miā
我甘願為你
guá kam-guān uī lí
受盡日月拖磨
siū tsīn ji̍t-gua̍t thua-buâ
你就是我的駁岸
lí tsiū-sī guá ê poh-huānn
是天咧創治我
sī thinn teh tshòng-tī guá
叫我欲按怎
kiò guá beh án-tsuánn
艱苦也嘛著行
kan-khóo iā-mā tio̍h kiânn
毋驚風雨偌大
m̄-kiann hong-hōo guā tuā
有陣陣雷聲
ū tsūn-tsūn luî-siann
刺疼我的心肝
tshì-thiànn guá ê sim-kuann
有思念才會拍拚
ū su-liām tsiah ē phah-piànn
我甘願為你
guá kam-guān uī lí
受盡日曝風寒
siū tsīn ji̍t pha̍k hong kuânn
我就是你的靠山
guá tsiū-sī lí ê khò-suann
