輸贏囥一邊

《輸贏囥一邊》Su-iânn Khǹg Tsi̍t-pinn

拍謝少年 (歹勢少年樂團Pháinn-sè Siàu-liân Ga̍k-thuân)

——————————————

稀微的人

hi-bî ê lâng

是決心欲離開矣

sī kuat-sim beh lī-khui–ah

漂浪的情

phiau-lōng ê tsîng

是猶原一个人行啊

sī iu-guân tsi̍t-ê-lâng kiânn–ah

故鄉序細

kòo-hiong sī-sè

是永遠袂記得我

sī íng-uán bē-kì-leh guá

無緣的你

bô-iân ê lí

請叫我無情份的人

tshiánn kiò guá bô-tsîng-hūn ê lâng

彼个夢暫時的形影

hit-ê bāng tsiām-sî ê hîng-iánn

我感覺遺憾已經過去矣

guá kám-kak uî-hām í-king kuè-khì–ah

日子咧過

ji̍t-tsí leh kuè

是感覺歡喜隨人啊

sī kám-kak huann-hí suî lâng–ah

小可啉落

sió-khuá lim–lo̍h

平凡也是快活

pîng-huân iā-sī khuìnn-ua̍h

我感覺人生的戲弄

guá kám-kak jîn-sing ê hì-lāng

已經是春天

í-king sī tshun-thinn

這款的天氣

tsit khuán ê thinn-khì

漸漸慣勢

tsiām-tsiām kuàn-sì

經過了最近的日子

king-kuè liáu tsuè-kīn ê ji̍t-tsí

酒共拍開

tsiú kā phah khui

希望伊轉來阮的身邊

hi-bāng i tńg-lâi gún ê sin-pinn

佇阮的身邊

tī gún ê sin-pinn

就算啊

tiō-sǹg–ah

一寡人情世事攏總毋捌

tsi̍t-kuá jîn-tsîng-sè-sū lóng-tsóng m̄-bat

你嘛袂按怎

lí mā bē án-tsuánn

愛好好生活

ài hó-hó sing-ua̍h

怨嘆啊

uàn-thàn–ah

社會是是非非

siā-huē sī-sī-hui-hui

無人做伴

bô-lâng tsuè-phuānn

酒共啉予焦

tsiú kā lim hōo ta

假做醉茫茫

ké tsò tsuì-bâng-bâng

酒共全部倒予滇

tsiú kā tsuân-pōo tó hōo tīnn

這是咱的志氣

tsit sī lán ê tsì-khì

毋知啥物時陣

m̄-tsai siánn-mih sî-tsūn

閣再拄著你

koh-tsài tú-tio̍h lí

故事全部講予你

kòo-sū tsuân-pōo kóng hōo lí

這是咱的義氣

tse sī lán ê gī-khì

凡勢無人了解你的過去

huān-sè bô-lâng liáu-kái lí ê kuè-khì

酒共啉予去

tsiú kā lim hōo khì

輸贏囥一邊

su-iânn khǹg tsi̍t-pinn

酒共啉予去

tsiú kā lim hōo khì

輸贏囥一邊

su-iânn khǹg tsi̍t-pinn