爽啦
《爽啦》Sóng–lah
東區不倒翁Tang-khu Put-tó-ong
——————————————
音樂共催落去
im-ga̍k kā tshui–lo̍h-khì
舞嘛共跳落去
bú mā kā thiàu–lo̍h-khì
這馬燈光咧閃閃爍爍
tsit-má ting-kng teh siám-siám-sih-sih
跳出咱的酸甘甜
thiàu tshut lán ê sng-kam-tinn
歌聲共唱落去
kua-siann kā tshiùnn–lo̍h-khì
酒嘛共啉落去
tsiú mā kā lim–lo̍h-khì
工課是Tomorrow的代誌
khang-khuè sī Tomorrow ê tāi-tsì
人生海海真趣味
jîn-sing hái-hái tsin tshù-bī
日頭焱焱
ji̍t-thâu iānn-iānn
規个地球
kui-ê tē-kiû
熱甲若火爐
jua̍h kah ná hué-lôo
電視頂懸
tiān-sī tíng-kuân
攏是痟狗相咬
lóng-sī siáu-káu sio-kā
為啥看攏無
uī-siánn khuànn lóng bô
想欲看美女直播
siūnn-beh khuànn měinǚ zhíbō
閃較邊仔
siám khah pinn–á
創啥小朋友
tshòng siánn xiǎopéngyǒu
bì-luh開咧
bì-luh khui–leh
喙共窒咧
tshuì kā that–leh
無禮數
bô-lé-sòo
聽著這種音樂
thiann-tio̍h tsit-tsióng im-ga̍k
佇遮吱吱叫
tī tsia ki-ki-kiò
尾脽著愛直直搖
bué-tsui tio̍h-ài ti̍t-ti̍t iô
遮久無來Party
tsiah kú bô lâi Party
妹妹對我直直笑
mē-mē tuì guá ti̍t-ti̍t tshiò
衫穿遐爾少
sann tshīng hiah-nī tsió
車燈一直共咱照
tshia-ting it-ti̍t kā lán tsiò
馬達佇遐左右左右
mòo-tah tī hia zuǒyòuzuǒyòu
催落催落催落
tshui–lo̍h tshui–lo̍h tshui–lo̍h
音樂共催落去
im-ga̍k kā tshui–lo̍h-khì
舞嘛共跳落去
bú mā kā thiàu–lo̍h-khì
這馬燈光咧閃閃爍爍
tsit-má ting-kng teh siám-siám-sih-sih
跳出咱的酸甘甜
thiàu-tshut lán ê sng-kam-tinn
歌聲共唱落去
kua-siann kā tshiùnn–lo̍h-khì
酒嘛共啉落去
tsiú mā kā lim–lo̍h-khì
工課是Tomorrow的代誌
khang-khuè sī Tomorrow ê tāi-tsì
人生海海真趣味
jîn-sing hái-hái tsin tshù-bī
行來去Party
kiânn lâi-khì Party
美眉叫聲Honey
měiméi jiào shēng Honey
誰都是我Babe
shéi dōu shì wǒ Babe
撒錢我都隨意
sǎqián wǒ dōu suíyì
幾杯黃湯來催情
jǐbēi huángtāng lái chuīqíng
想怎樣我都隨你
xiǎng zěngyàng wǒ dōu suí nǐ
啊~爽啦
ah~ sóng–lah
著
tio̍h!
臺灣上出名的
Tâi-uân siōng tshut-miâ–ê
就是人情味
tiō-sī jîn-tsîng-bī
無代誌
bô tāi-tsì
相招隔壁厝邊
sio-tsio keh-piah tshù-pinn
開講食瓜子
khai-káng tsia̍h kue-tsí
Music Drop It Down
歌共唱落去
kua kā tshiùnn–lueh
憂愁囥一邊
iu-tshiû khǹg tsi̍t-pinn
抐豬屎
lā-ti-sái
交換名刺加FB
kau-uānn mè-sih ka FB
閣兼借錢
koh kiam tsioh-tsînn
咱臺語歌摻著電音Pa
lán Tâi-gí-kua tsham tio̍h tiān-im Pa
口味親像可樂配豆乾
kháu-bī tshin-tshiūnn khòo-lah phuè tāu-kuann
一个鹹鹹甜甜的感覺
tsi̍t-ê kiâm-kiâm tinn-tinn ê kám-kak
好比洗褲兼摸蜊仔
hó-pí sé-khòo kiam bong lâ
哎喲
aih-iō
以前啊
í-tsîng–ah
Everybody啊
Everybody–ah
愛唱愛拚才會贏
ài tshiùnn ài piànn tsiah ē iânn
這馬換恁準備綴我行
tsit-má uānn lín tsún-pī tuè guá kiânn
歌聲共唱落去
kua-siann kā tshiùnn–lo̍h-khì
酒嘛共啉落去
tsiú mā kā lim–lo̍h-khì
工課是Tomorrow的代誌
khang-khuè sī Tomorrow ê tāi-tsì
人生海海真趣味
jîn-sing hái-hái tsin tshù-bī