風過雨無停

《風過雨無停》Hong Kuè Hōo Bô Thîng

秀蘭瑪雅Showlen Maya

——————————————

冷冷的風

líng-líng ê hong

又吹入阮心房

iū tshue ji̍p gún sim-pâng

陣陣小雨

tsūn-tsūn sió-hōo

勸阮免閣為你等

khǹg gún bián koh uī lí tán

阮期待又期待

gún kî-thāi iū kî-thāi

你早日倒轉來

lí tsá-ji̍t tò-tńg–lâi

到現在

kàu hiān-tsāi

猶原是等無阮心愛

iu-guân sī tán bô gún sim-ài

秋雨的暝

tshiu-hōo ê mî

阮無你來安慰

gún bô lí lâi an-uì

茫茫人海

bâng-bâng jîn-hái

毋知愛人你佇佗位

m̄-tsai ài-jîn lí tī tó-uī

看天頂的星

khuànn thinn-tíng ê tshinn

黏佇月娘四周圍

liâm tī gue̍h-niû sì-tsiu-uî

阮的夢

gún ê bāng

漸漸為你來拍碎

tsiām-tsiām uī lí lâi phah-tshuì

啊~風啊風啊風

ah~ hong–ah hong–ah hong

飄浪的心攏飛袂停

phiau-lōng ê sim lóng pue buē-thîng

啊~雨啊雨啊雨

ah~ hōo–ah hōo–ah hōo

你敢有看出阮心情

lí kám ū khuànn-tshut gún sim-tsîng

啊~風過雨無停

ah~ hong kuè hōo bô thîng

你哪會變甲遮絕情

lí ná-ē piàn kah tsiah tsua̍t-tsîng

放阮一人

pàng gún tsi̍t-lâng

浮沉在海湧

phû-tîm tsāi hái-íng