難忘的一杯咖啡
《難忘的一杯咖啡》Lân-bōng ê Tsi̍t-pue Ka-pi
良山Liông-san
——————————————
一杯咖啡
tsi̍t-pue ka-pi
予我深深愛著伊
hōo guá tshim-tshim ài-tio̍h i
鬥陣時
tàu-tīn sî
糖甘又蜜甜
thn̂g-kam iū bi̍t-tinn
手牽手形影不分離
tshiú khan tshiú hîng-iánn put hun-lî
初戀的滋味
tshoo-luân ê tsu-bī
親像可可仔泡咖啡
tshin-tshiūnn khoo-khoo-á phàu ka-pi
勝過芬芳白蘭地
sìng-kuè hun-hong bu-lán-tih
啊~可愛的一杯咖啡
ah~ khó-ài ê tsi̍t-pue ka-pi
可愛的伊
khó-ài ê i
一杯咖啡
tsi̍t-pue ka-pi
予我深深怨嘆伊
hōo guá tshim-tshim uàn-thàn i
講啥物無我
kóng siánn-mih bô guá
你會死
lí ē sí
無疑你變心做一時
bô-gî lí piàn-sim tsuè-tsi̍t-sî
失戀的滋味
sit-luân ê tsu-bī
可比番薑仔泡咖啡
khó-pí huan-kiunn-á phàu ka-pi
閣再摻著威士忌
koh-tsài tsham tio̍h ui-sú-kih
啊~難忘的一杯咖啡
ah~ lân-bōng ê tsi̍t-pue ka-pi
難忘的伊
lân-bōng ê i
初戀的滋味
tshoo-luân ê tsu-bī
親像可可仔泡咖啡
tshin-tshiūnn khoo-khoo-á phàu ka-pi
勝過芬芳白蘭地
sìng-kuè hun-hong bu-lán-tih
啊~可愛的一杯咖啡
ah~ khó-ài ê tsi̍t-pue ka-pi
可愛的伊
khó-ài ê i
