阿公的老 Guitar

由 ·

《阿公的老 Guitar》A-kong ê Lāu Guitar

秀蘭瑪雅 SHOWLEN MAYA

古早的庄跤
kóo-tsá ê tsng-kha
有一條紅磚厝的巷仔
ū tsi̍t tiâu âng-tsng-tshù ê hāng-á
毋管暗時抑透早
m̄-kuán àm-sî ia̍h thàu-tsá
定定響起
tiānn-tiānn hiáng-khí
有故事的老情歌
ū kòo-sū ê lāu tsîng-kua
阿公提著 guitar
a-kong the̍h-tio̍h guitar
用雙手輕輕來彈
iōng siang-tshiú khin-khin lâi tuânn
毋甘夢綴著時間行
m̄-kam bāng tuè-tio̍h sî-kan kiânn
有 guitar 來做伴
ū guitar lâi tsuè-phuānn
講出少年初戀的心情
kóng-tshut siàu-liân tshoo-luân ê sim-tsiânn
阿公的老 guitar
a-kong ê lāu guitar
陪伊對少年行到遮
puê i uì siàu-liân kiânn kàu tsia
行過艱苦 行過散赤
kiânn kuè kan-khóo kiânn kuè sàn-tshiah
伊講有 guitar 就好額
i kóng ū guitar tiō hó-gia̍h
無欠啥
bô khiàm siánn
阿公的老 guitar
a-kong ê lāu guitar
佮伊的年歲仝齊大
kah i ê nî-huè kâng-tsê tuā
伊講彈著老情歌
i kóng tuânn-tio̍h lāu tsîng-kua
親像看著阿媽
tshin-tshiūnn khuànn-tio̍h a-má
坐佇伊身邊做伴
tsē tī i sin-pinn tsuè-phuānn
——————————————————–
阿公的老 guitar
a-kong ê lāu guitar
陪伊對少年行到遮
puê i uì siàu-liân kiânn-kàu tsia
世界一直一直變化
sè-kài it-ti̍t it-ti̍t piàn-huà
?的感情袂變卦
in ê kám-tsîng buē piàn-kuà
老 guitar
lāu guitar
阿公的老 guitar
a-kong ê lāu guitar
佮伊的年歲仝齊大
kah i ê nî-huè kâng-tsê tuā
伊講彈著老情歌
i kóng tuânn-tio̍h lāu tsîng-kua
親像看著阿媽
tshin-tshiūnn khuànn-tio̍h a-má
坐佇伊身邊做伴
tsē tī i sin-pinn tsuè-phuānn

您可能也會喜歡…

跳至工具列