舊相片

《舊相片》Kū Siòng-phìnn
秀蘭瑪雅Showlen Maya
——————————————
心事囥一邊
sim-sū khǹg tsi̍t-pinn
窗外烏陰天
thang-guā oo-im-thinn
暗風吹來惹相思
àm-hong tshue lâi jiá siunn-si
往事佗位覕
óng-sū tó-uī bih
親像一齣戲
tshin-tshiūnn tsi̍t-tshut hì
啥人來搬才袂傷悲
siánn-lâng lâi puann tsiah buē siong-pi

思念親像
su-liām tshin-tshiūnn
一張舊相片
tsi̍t-tiunn kū siòng-phìnn
雖然退色
sui-jiân thè-sik
猶原遮爾媠
iu-guân tsiah-nī suí
淡薄仔稀微
tām-po̍h-á hi-bî
陪伴著你的笑面
puê-phuānn tio̍h lí ê tshiò-bīn
是你毋甘
sī lí m̄-kam
予阮將你放袂記
hōo gún tsiong lí pàng-buē-kì

雙手提著這張舊相片
siang-tshiú the̍h-tio̍h tsit tiunn kū siòng-phìnn
親像有你佇阮的身邊
tshin-tshiūnn ū lí tī gún ê sin-pinn
毋敢算日子
m̄-kánn sǹg ji̍t-tsí
甘願做夢毋願醒
kam-guān tsuè-bāng m̄-guān tshínn
因為你
in-uī lí
永遠佇阮的心內面
íng-uán tī gún ê sim lāi-bīn