滴答滴

《滴答滴》Tih Ta̍p-Tih
秀蘭瑪雅Showlen Maya
—————————————————-
風吹樹影
hong-tshue tshiū iánn
搖啊搖
iâu–ah iâu
啊~窗外落葉
ah~ thang-guā lo̍h-hio̍h
飄啊飄
phiau–ah phiau
明月親像鏡
bîng-gue̍h tshin-tshiūnn kiànn
看穿我
khuànn tshuan guá
一寸心
tsi̍t tshùn sim
為你咧牽掛
uī lí teh khan-kuà

雨聲落水滴的窗外
hōo-siann lo̍h-tsuí tih ê thang-guā
啊~思念燒心頭每一夜
ah~ su-liām sio sim-thâu muí tsi̍t iā
烏雲追問我
oo-hûn tui-mn̄g guá
咧等啥
teh tán siánn
風吹敢已經斷了線
hong-tshue kám í-king tn̄g liáu suànn

時間滴滴沓滴沓滴
sî-kan tih-tih ta̍p-tih ta̍p-tih
哪會等 等啊 等無伊
ná ē tán, tán–ah, tán bô i
予風笑阮戇
hōo hong tshiò gún gōng
痴心換來一陣望春風
tshi-sim uānn lâi tsi̍t tsūn bāng-tshun-hong

思念滴滴沓滴沓滴
su-liām tih-tih ta̍p-tih ta̍p-tih
哪會望 望啊 望無伊
ná ē bāng, bāng–ah, bāng bô i
敢講阮的痴
kám-kóng gún ê tshi
墜落茫茫天邊
tuī-lo̍h bông-bông thinn-pinn