感情無退路

《感情無退路》Kám-tsîng Bô Thè-lōo

秀蘭瑪雅Showlen Maya

——————————————

對你的要求無偌濟

tuì lí ê iau-kiû bô guā-tsuē

偏偏你毋願意做伙

phian-phian lí m̄-guān ì tsuè-hué

心情為你

sim-tsîng uī lí

親像落月

tshin-tshiūnn lo̍h-ge̍h

孤單無人通好講話

koo-tuann bô-lâng thang-hó kóng-uē

你敢知

lí kám tsai

阮對你遐爾關心

gún tuì lí hiah-nī kuan-sim

為啥物

uī-siánn-mih

你對阮放會落心

lí tuì gún pàng ē lo̍h sim

想欲問你

siūnn-beh mn̄g lí

也問無原因

iā mn̄g bô guân-in

啥人像阮對你遮認真

siánn-lâng tshiūnn gún tuì lí tsiah jīn-tsin

啊~感情無退路

ah~ kám-tsîng bô thè-lōo

一旦行入這條路

it-tàn kiânn-ji̍p tsit tiâu lōo

越頭只有加添心艱苦

ua̍t-thâu tsí-ū ka-thiam sim kan-khóo

毋通放阮一个咧算步

m̄-thang pàng gún tsi̍t-ê teh sǹg pōo

啊~感情無退路

ah~ kám-tsîng bô thè-lōo

無論幸福抑艱苦

bô-lūn hīng-hok ia̍h kan-khóo

明明知影你心內有數

bîng-bîng tsai-iánn lí sim-lāi ū-sòo

甘願永遠佮你行仝步

kam-guān íng-uán kah lí kiânn kāng pōo