心酸酸

《心酸酸》Sim Sng-sng
秀鑾 Siù-luân
——————————————
我君離開千里遠
guá kun lī-khui tshian-lí hn̄g
放阮冷淡守家門
pàng gún líng-tām tsiú ka-mn̂g
袂食袂睏跤手軟
buē tsia̍h buē khùn kha-tshiú nńg
暝日思君心酸酸
mî-ji̍t su-kun sim sng-sng

無疑一去無倒轉
bô-gî tsi̍t khì bô tò-tńg
辜負青春暝日長
koo-hū tshing-tshun mî-ji̍t tn̂g
連批連信煞來斷
liân phue liân sìn suah lâi tn̄g
害阮等無心酸酸
hāi gún tán bô, sim sng-sng

一時變心袂按算
tsi̍t-sî piàn-sim buē àn-sǹg
秋風慘淡草木黃
tshiu-hong tshám-tām tsháu-ba̍k n̂g
風冷情冷是無向
hong líng tsîng líng sī bô-ǹg
光景引阮心酸酸
kong-kíng ín gún sim sng-sng