勇敢的人

《勇敢的人》Ióng-kám ê Lâng
秀蘭瑪雅Showlen Maya
——————————————
你講咱猶是好朋友
lí kóng lán iáu-sī hó pîng-iú
相愛到遮
siong-ài kàu tsia
欲予我自由
beh hōo guá tsū-iû
我已經袂當閣為你笑
guá í-king buē-tàng koh uī lí tshiò
目屎陣陣
ba̍k-sái tsūn-tsūn
親像佇咧報仇
tshin-tshiūnn tī-leh pò-siû
強求毋是愛情的理由
kiông-kiû m̄-sī ài-tsîng ê lí-iû
我知影
guá tsai-iánn
我應該愛放手
guá ìng-kai ài pàng-tshiú
這段用心愛你的過程
tsit tuānn iōng-sim ài lí ê kuè-tîng
毋通閣想
m̄-thang koh siūnn

咱的情份就到遮
lán ê tsîng-hūn tiō kàu tsia
雖然我也毋甘
sui-jiân guá iā m̄-kam
毋願你看著我的軟汫
m̄-guān lí khuànn-tio̍h guá ê nńg-tsiánn
我選擇一个人來行
guá suán-ti̍k tsi̍t-ê-lâng lâi kiânn

我欲做一个勇敢的人
guá beh tsuè tsi̍t-ê ióng-kám ê lâng
揹著心愛的吉他
phāinn tio̍h sim-ài ê gì-tah
完成我去流浪的願望
uân-sîng guá khì liû-lōng ê guān-bāng
感謝你幫忙
kám-siā lí pang-bâng

我欲做一个勇敢的人
guá beh tsuè tsi̍t-ê ióng-kám ê lâng
唱著別人的情歌
tshiùnn tio̍h pa̍t-lâng ê tsîng-kua
身邊的行李雖然遐重
sin-pinn ê hîng-lí sui-jiân hiah tāng
無愛也輕鬆
bô ài iā khin-sang