較拚咧

《較拚咧》Khah Piànn–leh
男子漢樂團 Lâm-tsú-hàn Ga̍k-thuân
——————————————
腹肚已經是遮大个
pak-tóo í-king sī tsiah tuā ê
閣毋知囡仔是啥人的
koh m̄-tsai gín-á sī siánn-lâng ê
大學畢業的有真濟
tāi-ha̍k pit-gia̍p–ê ū tsin tsē
讀到博士嘛是無工課
tha̍k kah phok-sū mā sī bô khang-khuè

痟囡仔逐工賴賴踅
siáu-gín-á ta̍k-kang luā-luā se̍h
警察閣咧欺負老百姓
kíng-tshat koh leh khi-hū lāu-peh-sènn
總統毋知攏咧創啥貨
tsóng-thóng m̄-tsai lóng leh tshòng siánn-huè
選伊日子嘛無較好過
suán i ji̍t-tsí mā bô khah hó-kuè

老師問我哪會無註冊
lāu-su mn̄g guá ná ē bô tsù-tsheh
攏毋知阮爸仔早就無頭家
lóng m̄-tsai gún pâ–á tsá tiō bô thâu-ke
做兵是咧蹧躂少年家
tsò-ping sī leh tsau-that siàu-liân-ke
退伍了後是欲創啥貨
thuè-ngóo liáu-āu sī beh tshòng siánn-huè

政府攏咧講白賊話
tsìng-hú lóng leh kóng pe̍h-tsha̍t-uē
景氣遮䆀攏嘛算阮的
kíng-khì tsiah bái lóng mā sǹg gún–ê
有錢的按怎攏無罪
ū-tsînn–ê án-tsuánn lóng bô-tsuē
這就是這馬的社會
tse tiō sī tsit-má ê siā-huē

為啥物
uī-siánn-mi̍h
為啥物
uī-siánn-mi̍h
哪會變按呢
ná-ē piàn án-ne
這種生活佮社會
tsit-tsióng sing-ua̍h kah siā-huē
敢講恁攏毋講話
kám-kóng lín lóng m̄ kóng-uē
為啥物
uī-siánn-mi̍h
為啥物
uī-siánn-mi̍h
哪會變按呢
ná-ē piàn án-ne
逐家做伙較拚咧
ta̍k-ke tsò-hué khah piànn–leh
予臺灣變成
hōo Tâi-uân piàn-sîng
世界第一个
sè-kài tē-it-ê