真情啥人知

《真情啥人知》Tsin-tsîng Siánn-lâng Tsai

沈淑惠Sím Sio̍k-huī

——————————————

世間女性的心內

sè-kan lú-sìng ê sim-lāi

逐家攏需要愛

ta̍k-ke lóng su-iàu ài

一旦失去真情

it-tàn sit-khì tsin-tsîng

心內痛苦啥人知

sim-lāi thòng-khóo siánn-lâng tsai

你不該你不該

lí put-kai lí put-kai

見面當做無熟似

kìnn-bīn tòng-tsuè bô si̍k-sāi

枉費我對你無限關懷

óng-huì guá tuì lí bô-hān kuan-huâi

心內啥人知

sim-lāi siánn-lâng tsai

海面茫茫失東西

hái-bīn bông-bông sit tang-sai

我的情深如海

guá ê tsîng tshim jû hái

一旦失去真愛

it-tàn sit-khì tsin-ài

親像孤帆遇風颱

tshin-tshiūnn koo-phâng gū hong-thai

你不該你不該

lí put-kai lí put-kai

欺騙我的真情愛

khi-phiàn guá ê tsin-tsîng-ài

枉費我為你戇戇等待

óng-huì guá uī lí gōng-gōng tán-thāi

想你又何奈

siūnn lí iū hô-nāi