痴情玫瑰花
《痴情玫瑰花》Tshi-tsîng Muî-kuì-hue
玖壹壹樂團Kiú-it-it Ga̍k-thuân
———————————————
[我要送你九十九朵玫瑰花]
我欲唱心內的話予你聽
guá beh tshiùnn sim-lāi ê uē hōo-lí thiann
[我愛你我願意你不用怕]
真正的痴情男子漢佇遮
tsin-tsiànn ê tshi-tsîng lâm-tsú-hàn tī tsia
就是我
tiō-sī guá
.
[北鼻]你怎會穿甲遮爾[辣]
[pé-pih] lí tsuánn ē tshīng kah tsiah-nī [lá]
看著你 規冬天攏袂畏寒
khuànn-tio̍h lí, kui tang-thinn lóng buē uì-kuânn
我是正港純情的查埔囝
guá sī tsiànn-káng sûn-tsîng ê ta-poo-kiánn
拜託你莫閣刁工共我唌
pài-thok lí mài koh thiau-kang kā guá siânn
.
日頭赤炎炎
ji̍t-thâu tshiah-iānn-iānn
塞車駛恁兜樓跤
sat-tshia sái lín-tau lâu-kha
做你的司機?你四界行
tsò lí ê su-ki tshuā lí sì-kè kiânn
欲食西餐廳抑是路邊擔仔
beh tsia̍h se-tshan-thiann ia̍h-sī lōo-pinn-tànn-á
只要你歡喜數 攏我來納
tsí-iàu lí huann-hí, siàu lóng guá lâi la̍p
.
雖然外口的女神有遮爾濟
sui-jiân guā-kháu ê lú-sîn ū tsiah-nī tsē
但心內媽祖只有你一个
tān sim-lāi Má-tsóo tsí-ū lí tsi̍t-ê
毋敢來數想得著你的肉體
m̄-kánn lâi siàu-siūnn tit-tio̍h lí ê bah-thé
只要你的心保庇 我就ok
tsí-iàu lí ê sim pó-pì, guá tiō ok
.
我對你的愛是真正有影
guá tuì lí ê ài sī tsin-tsiànn ū-iánn
就連厝邊隔壁攏來探聽
tiō liân tshù-pinn keh-piah lóng lâi thàm-thiann
毋驚好朋友笑阮是戇囝
m̄-kiann hó pîng-iú tshiò gún sī gōng-kiánn
[誰叫我愛你 沒有辦法]
.
.
[我要送你九十九朵玫瑰花]
我欲唱心內的話予你聽
guá beh tshiùnn sim-lāi ê uē hōo lí thiann
[我愛你我願意你不用怕]
真正的痴情男子漢佇遮
tsin-tsiànn ê tshi-tsîng lâm-tsú-hàn tī tsia
.
[我要送你九十九朵玫瑰花]
我欲做你永遠的阿娜達
guá beh tsuè lí íng-uán ê a-ná-tah
[我要寄張喜帖到你阿媽a-má家]
真正的痴情男子漢佇遮
tsin-tsiànn ê tshi-tsîng lâm-tsú-hàn tī tsia
就是我
tiō-sī guá
.
.
我的行情也無比你較差
guá ê hâng-tsîng iā bô pí lí khah tsha
也有真濟姑娘攏真愛我
iā ū tsin tsē koo-niû lóng tsin ài guá
逐工照三頓排佇阮兜樓跤
ta̍k-kang tsiàu sann-tǹg pâi tī gún-tau lâu-kha
我是怹心目中的[劉德華]
guá sī in sim-bo̍k-tiong ê [Lâu Tik-huâ]
.
我驚酒醉來予怹抾死體
guá kiann tsiú-tsuì lâi hōo-in khioh si-thé
所以我從來毋捌啉兩杯
sóo-í guá tsiông-lâi m̄-bat lim nn̄g-pue
保鏢?兩个 予怹無機會
pó-pio tshuā nn̄g-ê, hōo in bô ki-huē
愛我的姑娘實在真歹勢
ài-guá ê koo-niû si̍t-tsāi tsin pháinn-sè
.
佮意我的姼仔雖然有遮爾濟
kah-ì guá ê tshit-á sui-jiân ū tsiah-nī tsē
但是我較想只有你一个
tān-sī guá khah siūnn tsí-ū lí tsi̍t-ê
就算講來予怹得著我的肉體
tiō sǹg-kóng lâi hōo in tit-tio̍h guá ê bah-thé
但我靈魂永遠是你的
tān guá lîng-hûn íng-uán sī lí-ê
.
我愛你 毋是凊彩講講爾爾
guá ài lí, m̄-sī tshìn-tshái kóng-kóng niā-niā
我毋但愛你 我嘛愛恁娘
guá m̄-nā ài lí, guá mā ài lín-niâ
只要你有需要 電話敲予我
tsí-iàu lí ū su-iàu, tiān-uē khà hōo guá
後擺你就會大聲來叫我
āu-pái lí tō ē tuā-siann lâi kiò guá
第一名
tē-it miâ
