敢是我

《敢是我》Kám Sī Guá

沈建豪Sím Kiàn-hô

——————————————

無聊的失眠夜

bô-liâu ê sit-bîn iā

只賰路燈來陪伴

tsí tshun lōo-ting lâi puê-phuānn

躼躼長的深夜

lò-lò-tn̂g ê tshim-iā

只賰傷心來做伴

tsí tshun siong-sim lâi tsuè-phuānn

原因就是你

guân-in tiō-sī lí

予阮苦澀滋味

hōo gún khóo-siap tsu-bī

心酸放一邊

sim-sng pàng tsi̍t-pinn

心疼無塊覕

sim thiànn bô-tè bih

無彩咱的緣份當開始

bô-tshái lán ê iân-hūn tng khai-sí

你的情意將阮來驚醒

lí ê tsîng-ì tsiong gún lâi kiann tshínn

無彩我用真心對待你

bô-tshái guá iōng tsin-sim tuì-thāi lí

換來你無情的回應

uānn lâi lí bô-tsîng ê huê-ìng

敢是我傷過相信你的虛偽

kám-sī guá siunn-kuè siong-sìn lí ê hi-guī

雄心來相對

hiông-sim lâi siong-tuì

若無真情相隨

nā-bô tsin-tsîng siong-suî

真意相依

tsin-ì siong-i

請你來離開

tshiánn lí lâi lī-khui

敢是我傷過大意

kám-sī guá siunn-kuè tāi-ì

情話規篇

tsîng-uē kui phinn

無心的暗示

bô-sim ê àm-sī

若無情海茫茫

nā bô tsîng-hái bâng-bâng

趁早放棄

thàn-tsá hòng-khì

當做夢一暝

tòng-tsuè bāng tsi̍t-mî