心碎啊心碎

《心碎啊心碎》Sim Tshuì–ah Sim Tshuì

沈建豪Sím Kiàn-hô

——————————————

毋知偌久開始

m̄-tsai guā kú khai-sí

習慣你無佇阮身邊

si̍p-kuàn lí bô tī gún sin-pinn

空白無聊的日子

khàng-pe̍h bô-liâu ê ji̍t-tsí

陪我一暝過一暝

puê guá tsi̍t-mî kuè tsi̍t-mî

看著你的相片

khuànn-tio̍h lí ê siòng-phìnn

揣無思念的勇氣

tshuē-bô su-liām ê ióng-khì

自言自語了後

tsū-giân tsū-gí liáu-āu

真正會當改變

tsin-tsiànn ē-tàng kái-piàn

是啥物

sī siánn-mih

啊~心碎啊心碎

ah~ sim tshuì–ah sim tshuì

疼甲親像針咧揻

thiànn kah tshin-tshiūnn tsiam teh ui

疼甲靈魂到底在哪裡

thiànn kah lîng-hûn tàu-té tsāi ná-lí

疼甲一切攏感覺麻痺

thiànn kah it-tshè lóng kám-kak bâ-pì

啊~(我)心碎啊心碎

ah~ (guá) sim tshuì–ah sim tshuì

明知已經失去你

bîng-tsai í-king sit-khì lí

明知痴情夢斷

bîng-tsai tshi-tsîng bāng tn̄g

已過去

í kuè–khì

明知以後

bîng-tsai í-āu

無人代替你

bô-lâng tāi-thè lí