心愛的烏肚䆀

《心愛的烏肚䆀》Sim-ài ê Oo-tóo-bái
男子漢樂團 Lâm-tsú-hàn Ga̍k-thuân
——————————————
想欲來去趁錢
siūnn-beh lâi-khì thàn-tsînn
牽一台烏肚䆀
khan tsi̍t-tâi oo-tóo-bái
但是時機䆀䆀
tān-sī sî-ki bái-bái
逐家攏嘛知
ta̍k-ke lóng-mā tsai
日子愈來愈歹過
ji̍t-tsí jú lâi jú pháinn-kuè
工課閣歹揣
khang-khuè koh pháinn tshuē
生活若閣按呢落去
sing-ua̍h nā koh án-ne lueh
(你是咧腫頷呢啊)
(lí sī leh tsíng-ām–nih-ah)

想欲來去趁錢
siūnn-beh lâi-khì thàn-tsînn
牽一台烏肚䆀
khan tsi̍t-tâi oo-tóo-bái
雖然無蓋理想
sui-jiân bô kài lí-sióng
中古的嘛袂䆀
tiong-kóo–ê mā bē-bái
煙筒管共改落去
ian-tâng-kóng kā kái–lueh-khì
紅燈假毋知
âng-ting ké m̄-tsai
本錢攏總開開落去
pún-tsînn lóng-tsóng khai-khai–lueh
啥人比我較囂俳
siánn-lâng pí guá khah hiau-pai

日思夜夢的伊
ji̍t-su iā-bāng ê i
閣出現我夢中
koh tshut-hiān guá bāng-tiong
拍拚骨力的我
phah-piànn kut-la̍t ê guá
為的就是伊
uī ê tiō-sī i

想欲一台烏肚䆀
siūnn-beh tsi̍t-tâi oo-tóo-bái
一台烏肚䆀
tsi̍t-tâi oo-tóo-bái
毋過身軀空空
m̄-koh sin-khu khang-khang
銀行閣無半物
gîn-hâng koh bô puànn-mái
啊想欲一台烏肚䆀
ah siūnn-beh tsi̍t-tâi oo-tóo-bái
一台烏肚䆀
tsi̍t-tâi oo-tóo-bái
拍拚骨力揣頭路
phah-piànn kut-la̍t tshuē-thâu-lōo
就是為彼台
tiō-sī uī hit tâi

想欲一台烏肚䆀
siūnn-beh tsi̍t-tâi oo-tóo-bái
一台烏肚䆀
tsi̍t-tâi oo-tóo-bái
三更半暝想著伊
sann-kinn-puànn-mê siūnn-tio̍h i
嘛會爽歪歪
mā ē sóng uai-uai
啊想欲一台烏肚䆀
ah siūnn-beh tsi̍t-tâi oo-tóo-bái
一台烏肚䆀
tsi̍t-tâi oo-tóo-bái
我日思夜夢的
guá ji̍t-su iā-bāng ê
心愛的烏肚䆀
sim-ài ê oo-tóo-bái