孤單的心情

《孤單的心情》Koo-tuann ê Sim-tsîng
沈文程Sím Bûn-tîng
——————————————
昨暝轉來時
tsa-mî tńg-lâi sî
有一點點醉
ū tsi̍t-tiám-tiám tsuì
懶懶屍屍規个倒在膨椅
lán-lán-si-si kui-ê tó tsāi phòng-í
無意中拍開電視
bô-ì-tiong phah-khui tiān-sī
拄好有一首MTV
tú-hó ū tsi̍t-siú MTV
內面的故事哪會遮爾真
lāi-bīn ê kòo-sū ná ē tsiah-nī tsin

歲月如流
suè-gua̍t jû lâu
光陰似箭
kong-im sū tsìnn
早前的代誌
tsá-tsîng ê tāi-tsì
猶原印象遮爾深
iu-guân ìn-siōng tsiah-nī tshim
敢會是我的情絲
kám ē sī guá ê tsîng-si
一直隨著你牽到天邊
it-ti̍t suî tio̍h lí khan kàu thinn-pinn
才會定定來想起你
tsiah ē tiānn-tiānn lâi siūnn-khí lí

若想起欲離開彼一暗
nā siūnn-khí beh lī-khui hit tsi̍t-àm
我的心已經拍碎
guá ê sim í-king phah-tshuì
我傷害遮爾深
guá siong-hāi tsiah-nī tshim
已經無啥物藥通醫
í-king bô-siánn-mih io̍h thang i
莫怪人笑我哪會遮戇直
bo̍k-kuài lâng tshiò guá ná ē tsiah gōng-ti̍t

年年四季
nî-nî sù-kuì
換來換去
uānn lâi uānn khì
男女的感情
lâm-lú ê kám-tsîng
已經看淡看輕
í-king khuànn tām khuànn khin
一个人孤孤單單
tsi̍t-ê-lâng koo-koo-tuann-tuann
也毋免別人來操心
iā m̄-bián pa̍t-lâng lâi tshau-sim
這種生活
tsit tsióng sing-ua̍h
已經也真慣勢
í-king iā tsin kuàn-sì