?仔店

《?仔店》Kám-á-tiàm
李愛綺Lí Ài-khí (李嘉Lí Ka)
——————————————
細漢時彼間?仔店
sè-hàn-sî hit king kám-á-tiàm
排真濟?迌物仔佇遐
pâi tsin tsē tshit-thô-mi̍h-á tī hia
我佮意耍的洋娃娃
guá kah-ì sńg ê yángwáwa
是你偷偷來送予我
sī lí thau-thau lâi sàng hōo guá

定定笑我愛哭愛食
tiānn-tiānn tshiò guá ài-khàu ài-tsia̍h
阮嘛是上愛佮你輾珠仔
gún mā sī siōng ài kah lí liàn-tsu-á
時間咧走
sî-kan teh tsáu
親像眠夢
tshin-tshiūnn bîn-bāng
毋知你過了按怎
m̄-tsai lí kuè-liáu án-tsuánn
敢有仝款蹛佇遐
kám ū kāng-khuán tuà tī hia

我上懷念
guá siōng huâi-liām
佮你行過的田岸
kah lí kiânn–kuè ê tshân-huānn
愛的感覺
ài ê kám-kak
攏總寫佇咧簿仔
lóng-tsóng siá tī-leh phōo-á
枕頭黏被單
tsím-thâu liâm phuē-tuann
親像你佮我
tshin-tshiūnn lí kah guá
上愛倒你的尻脊骿
siōng ài tó lí ê kha-tsiah-phiann

我上懷念
guá siōng huâi-liām
佮你做陣去唱歌
kah lí tsuè-tīn khì tshiùnn-kua
恬恬看你飄撇彈吉他
tiām-tiām khuànn lí phiau-phiat tuânn gì-tah
經過幾若冬
king-kuè kuí-lō tang
這馬才知影
tsit-má tsiah tsai-iánn
希望咱繼續來做伴
hi-bāng lán kè-sio̍k lâi tsuè-phuānn
做陣行
tsuè-tīn kiânn