雨幔
《雨幔》Hōo-mua
杜成義Tōo Sîng-gī (阿杜)A-tōo
————————-
思思念念你的笑容
su-su-liām-liām lí ê tshiò-iông
予阮一切力量
hōo gún it-tshè li̍k-liōng
牽阮的手用心來晟
khan gún ê tshiú iōng-sim lâi tshiânn
看阮哭 看阮學行
khuànn gún khàu, khuànn gún o̍h-kiânn
鳥仔大漢嘛愛學飛
tsiáu-á tuā-hàn mā ài o̍h-pue
全世界是伊的
tsuân sè-kài sī i ê
你的關愛予阮做伴
lí ê kuan-ài hōo gún tsuè-phuānn
放心啦 阮袂孤單
hòng-sim–ah, gún buē koo-tuann
你來聽阮唱這條歌
lí lâi thiann gún tshiùnn tsit tiâu kua
阮心內有你的牽掛
gún sim-lāi ū lí ê khan-kuà
無管彼雨偌大
bô kuán he hōo guā tuā
欲佮你鬥陣行
beh kah lí tàu-tīn kiânn
你是阮的雨幔
lí sī gún ê hōo-mua
我來為你唱這條歌
guá-lâi uī lí tshiùnn tsit tiâu kua
唱出你偉大的形影
tshiùnn-tshut lí uí-tāi ê hîng-iánn
抱著你的期待
phō tio̍h lí ê kî-thāi
行出我的未來
kiânn tshut guá ê bī-lâi
用阮美麗歌聲 來祝福你啊
iōng gún bí-lē kua-siann, lâi tsiok-hok lí–ah
————————-
