雨傘代表阮心肝

《雨傘代表阮心肝》Hōo-suànn Tāi-piáu Gún Sim-kuann
李翊君 Lí I̍k-kun
———————————————

情網夢袂醒
tsîng-bāng bāng bē tshínn
雨水又綿綿
hōo-tsuí iū mî-mî
愛 囥心內毋敢講出喙
ài khǹg sim-lāi m̄-kánn kóng tshut-tshuì
我會用心用愛來等待你的人
guá ē iōng-sim, iōng ài lâi tán-thāi lí ê lâng
相信你會共阮惜命命
siong-sìn lí ē kā gún sioh-miā-miā

啊~雨傘了解阮心肝
ah~ hōo-suànn liáu-kái gún sim-kuann
保護你袂受風寒
pó-hōo lí bē siū hong-kuânn
愛你的心毋驚枝骨爛
ài lí ê sim m̄-kiann ki-kut nuā
刻著我愛你的名
khik-tio̍h guá ài lí ê miâ

啊~雨傘代表阮心肝
ah~ hōo-suànn tāi-piáu gún sim-kuann
甘願為你苦來擔
kam-guān uī lí khóo lâi tann
人生的路有你陪伴
jîn-sing ê lōo ū lí puê-phuānn
今生雙飛雙人影
kim-sing siang pue siang lâng-iánn