補破網

《補破網》Póo-phuà-bāng
李靜美 Lí Tsīng-bí
——————————-

見著網 目箍紅
kìnn-tio̍h bāng, ba̍k-khoo âng
破甲遮大空
phuà kah tsiah tuā khang
想欲補 無半項
siūnn-beh póo, bô puànn-hāng
啥人知阮苦痛
siánn-lâng tsai gún khóo-thàng

今日若將這來放
kim-ji̍t nā tsiong tse lâi pàng
是永遠無希望
sī íng-uán bô hi-bāng
為著前途鑽活縫
uī-tio̍h tsiân-tôo tsǹg ua̍h-phāng
揣家私補破網
tshuē ke-si póo-phuà-bāng

手提網 頭就重
tshiú the̍h bāng, thâu tsiū tāng
悽慘阮一人
tshi-tshám gún tsi̍t lâng
意中人 走佗藏
ì-tiong-lâng, tsáu tó tshàng
哪無來鬥幫忙
ná bô lâi tàu pang-bâng

姑不而將罔振動
koo-put-jî-tsiong bóng tín-tāng
攑網針接西東
gia̍h bāng-tsiam tsiap se-tang
天河用線做橋枋
thian-hô iōng suànn tsuè kiô-pang
全精神補破網
tsuân tsing-sîn póo-phuà-bāng

魚入網 好年冬
hî ji̍p bāng, hó-nî-tang
歌詩滿漁港
kua-si muá hî-káng
拄風雨 駛孤帆
tú hong-hōo, sái koo phâng
阮勞力無了工
gún lô-li̍k bô liáu-kang

雨過天青魚滿港
hōo kuè thinn tshing hî muá káng
最快樂咱雙人
tsuè khuài-lo̍k lán siang-lâng
今日團圓心花芳
kim-ji̍t thuân-înn sim-hue phang
從今免補破網
tsiông-kim bián póo-phuà-bāng