自彼擺拄著你

《自彼擺拄著你》Tsū Hit-pái Tú-tio̍h Lí
作詞：杜十三
tsok-sû：Tōo Si̍p-sam
作曲：李泰祥
tsok-khik：Lí Thài-siông
演唱：李泰祥
ián-tshiùnn：Lí Thài-siông
合音：林文俊
ha̍p-im：Lîm Bûn-tsùn
　
自彼擺拄著你
tsū hit-pái tú-tio̍h lí
就開始了我的一生
tiō khai-sí liáu guá ê it-sing
是前世註定的命運
sī tsîng-sè tsù-tiānn ê miā-ūn
咱兩人相閃
lán nn̄g-lâng sio-siám
在滿滿是菜子仔花的田岸中
tsāi muá-muá-sī tshài-tsí-á-hue ê tshân-huāinn tiong
雖然毋知你的芳名
sui-jiân m̄-tsai lí ê hong-miâ
但是永遠留著你的身影
tān-sī íng-uán lâu tio̍h lí ê sin-iánn
　
在阮的心內
tsāi gún ê sim-lāi
你是寒冬的日頭
lí sī kuânn-tang ê ji̍t-thâu
你是烏暗中的月光
lí sī oo-àm tiong ê gue̍h-kng
你親像妖豔的紅花
lí tshan-tshiūnn iau-iām ê âng-hue
佇風中搖動微笑
tī hong-tiong iô-tāng bî-tshiò
佇風中搖動微笑
tī hong-tiong iô-tāng bî-tshiò
　
滿面的春光
muá-bīn ê tshun-kng
滿面的春光
muá-bīn ê tshun-kng
有彩雲（有愛情）
ū tshái-hûn（ū ài-tsîng）
有天星（有悲傷）
ū thinn-tshinn（ū pi-siong）
有海湧（有起落）
ū hái-íng（ū khí-lo̍h）
　
自彼擺拄著你
tsū hit-pái tú-tio̍h lí
你是我所愛的人
lí sī guá sóo-ài ê lâng
你是我袂醒的夢
lí sī guá buē tshínn ê bāng
真想欲閣拄著你~~
tsin siūnn beh koh tú-tio̍h lí
拄著你
tú-tio̍h lí