無錢晟人驚

《無錢晟人驚》Bô-tsînn Tshiânn Lâng Kiann
李清風Lí Tshing-hong
——————————————
金錢是人的性命
kim-tsînn sī lâng ê sìnn-miā
有錢好名聲
ū-tsînn hó miâ-siann
朋友相招叫去請
pîng-iú sio-tsio kiò khì tshiánn
出門頭一名
tshut-mn̂g thâu-tsi̍t-miâ
這時錢無人定定
tsit-sî tsînn bô lâng tiānn-tiānn
無人相招行
bô-lâng sio-tsio kiânn
實在真有影
si̍t-tsāi tsin ū-iánn
無錢晟人驚
bô-tsînn tshiânn lâng kiann

眾人呵咾我好命
tsìng-lâng o-ló guá hó-miā
酒家暝日行
tsiú-ka mî-ji̍t kiânn
有錢亂用毋知疼
ū-tsînn luān-īng m̄-tsai thiànn
每間都出名
muí king to tshut-miâ
這時錢無人閃避
tsit sî tsînn bô-lâng siám-phiah
笑我了尾囝
tshiò guá liáu-bué-kiánn
實在真有影
si̍t-tsāi tsin ū-iánn
無錢晟人驚
bô-tsînn tshiânn lâng kiann

早時無論乜事件
tsá-sî bô-lūn mí sū-kiānn
毋免聽著聲
m̄-bián thiann-tio̍h siann
只有看著我的影
tsí-ū khuànn-tio̍h guá ê iánn
萬事都平定
bān-sū to pîng-tiānn
這時錢無講袂行
tsit-sî tsînn bô kóng buē kiânn
眾人佯無聽
tsìng-lâng tìnn bô thiann
實在真有影
si̍t-tsāi tsin ū-iánn
無錢晟人驚
bô-tsînn tshiânn lâng kiann

錢了強強欲吊鼎
tsînn liáu kiōng-kiōng-bueh tiàu-tiánn
臭名佮臭聲
tshàu-miâ kah tshàu-siann
厝內只有四片壁
tshù-lāi tsí-ū sì-phìnn piah
親像乞食營
tshin-tshiūnn khit-tsia̍h-iânn
今著認真閣拍拚
tann tio̍h jīn-tsin koh phah-piànn
重新做人行
tiông-sin tsuè-lâng kiânn
實在真有影
si̍t-tsāi tsin ū-iánn
無錢晟人驚
bô-tsînn tshiânn lâng kiann