愛遮重

《愛遮重》Ài Tsiah Tāng
李素專Lí Sòo-tsuan
——————————————
昨暝的夢
tsa-mî ê bāng
若像講著咱仝款
ná-tshiūnn kóng-tio̍h lán kāng-khuán
一陣的風
tsi̍t-tsūn ê hong
透著一對有情人
thàu-tio̍h tsi̍t-tuì ū-tsîng-lâng
愛需要堅心相疼痛
ài su-iàu kian-sim sio thiànn-thàng
若無真若怨嘆
nā bô tsin nā uàn-thàn
吵吵鬧鬧踮世間
tshá-tshá-nāu-nāu tiàm sè-kan

看著月彎彎月圓滿
khuànn-tio̍h gue̍h uan-uan gue̍h uân-buán
惹人心頭亂
jiá lâng sim-thâu luān
為你粉裝扮守樓窗
uī lí hún tsong-pān tsiú lâu-thang
愛你怎會愛遮重
ài lí tsuánn ē ài tsiah tāng
一生你一人
it-sing lí tsi̍t-lâng
袂來放
buē lâi pàng
望你牽予絚
bāng lí khan hōo ân
對你對你到永遠
tuè lí tuè lí kàu íng-uán
猶原愛遮重
iu-guân ài tsiah tāng