愛情的負擔

《愛情的負擔》Ài-tsîng ê Hū-tam
李愛綺 Lí Ài-khí
蕭煌奇 Siau Hông-kî
————————————–
男：
你的態度漸漸變冷淡
lí ê thāi-tōo tsiām-tsiām piàn líng-tām
到底有啥物代誌來掩崁
tàu-té ū siánn-mih tāi-tsì lâi am-khàm
臆來臆去無彩工
ioh-lâi ioh-khì bô-tshái-kang
想來想去心茫茫
siūnn-lâi siūnn-khì sim bâng-bâng
哪通戲弄真心愛你的人
ná thang hì-lāng tsin-sim ài lí ê lâng

女：
是毋是咱的觀念無相仝
sī-m̄-sī lán ê kuan-liām bô sio-kāng
才會來造成愛情的負擔
tsiah-ē lâi tsō-sîng ài-tsîng ê hū-tam
感情哪會遮袂堪
kám-tsîng ná ē tsiah buē-kham
愈想心內愈毋甘
jú siūnn sim-lāi jú m̄-kam

合：
將我當做無心無緣的人
tsiong guá tòng-tsuè bô-sim bô-iân ê lâng

合：
愛你無分時間
ài lí bô hun sî-kan
無分秋冬
bô hun tshiu-tang
管待風雨淋
kuán-thāi hong-hōo lâm
感情遐爾濟冬
kám-tsîng hiah-nī tsuē tang
猶原是空
iu-guân sī khang

女：
猶原是遺憾
iu-guân sī uî-hām

男：
雖然青春來斷送
sui-jiân tshing-tshun lâi tuān-sàng
猶原做著愛情的夢
iu-guân tsuè tio̍h ài-tsîng ê bāng

合：
夢到何時
bāng kàu hô-sî
才會將感情放
tsiah-ē tsiong kám-tsîng pàng