心茫茫

《心茫茫》Sim Bâng-bâng
李碧華 Lí Phik-huâ
詞：陳達儒 Tân Ta̍t-jû
曲：吳成家 Ngôo Sîng-ka
——————————————
半暝月照啊玻璃窗
puànn-mî ge̍h tsiò–ah po-lê thang
窗外烏影啊像彼人
thang-guā oo-iánn–ah tshiūnn hit lâng
搖來搖去啊相戲弄
iô lâi iô khì–ah sio hì-lāng
害阮搭嚇啊心茫茫
hāi gún tah-hiannh–ah sim bâng-bâng

趕緊啊將著針線放
kuánn-kín–ah tsiong tio̍h tsiam-suànn pàng
跕跤啊節步出繡房
liam-kha–ah tsat-pōo tshut siù-pâng
毋敢出聲啊亂振動
m̄-kánn tshut-siann–ah luān tín-tāng
探頭看無啊心茫茫
thàm-thâu khuànn-bô–ah sim bâng-bâng

窗外更深啊露水重
thang-guā kinn tshim–ah lōo-tsuí tāng
陣陣暗風啊吹花欉
tīn-tīn àm-hong–ah tshue hue-tsâng
看無君影啊戇戇等
khuànn-bô kun iánn–ah gōng-gōng tán
透暝思君啊心茫茫
thàu-mî su kun–ah sim bâng-bâng