小雨傘

《小雨傘》Sió Hōo-suànn
李愛綺 Lí Ài-khí
蕭閎仁Siau Hông-jîn
————————————–

你講的話 我攏了解
lí kóng ê uē, guá lóng liáu-kái
有一个人 為你咧等待
ū tsi̍t-ê lâng, uī lí leh tán-thāi
人生海海 莫閣看line
jîn-sing hái-hái, mài koh khuànn line
有讀無讀 凊凊彩彩
ū tha̍k bô tha̍k, tshìn-tshìn-tshái-tshái

在這个世界 就親像電影
tsāi tsit-ê sè-kài, tiō tshin-tshiūnn tiān-iánn
一幕幕 一幕幕
tsi̍t-bōo-bōo, tsi̍t-bōo-bōo
我需要你來陪我過一生
guá su-iàu lí lâi puê guá kuè it-sing

在我的世界
tsāi guá ê sè-kài
嘛需要你來陪伴
mā su-iàu lí lâi puê-phuānn
你知毋知
lí tsai m̄-tsai

雄雄這陣大雨 予咱熟似
hiông-hiông tsit-tsūn tuā-hōo, hōo lán si̍k-sāi
無雨傘的咱 相依相倚
bô hōo-suànn ê lán, sio-i sio-uá
我心內感謝 感謝這陣雨
guá sim-lāi kám-siā, kám-siā tsit-tsūn hōo
予咱的愛 漸漸看清楚
hōo lán ê ài, tsiām-tsiām khuànn tshing-tshó

我對你的愛 以前藏佇心內
guá tuì lí ê ài, í-tsîng tshàng tī sim-lāi
這馬我想欲全部
tsit-má guá siūnn-beh tsuân-pōo
攏總講予你知
lóng-tsóng kóng hōo-lí tsai
是毋是會當牽我的手
sī-m̄-sī ē-tàng khan guá ê tshiú
永遠予我踮在你身邊
íng-uán hōo guá tiàm-tsāi lí sin-pinn
(repeat↑)

我想欲替你
guá siūnn-beh thè lí
攑著一枝小雨傘
gia̍h tio̍h tsi̍t-ki sió hōo-suànn
若是雨愈大
nā-sī hōo jú tuā
我會來照顧你
guá ē lâi tsiàu-kòo lí
請你相信我
tshiánn lí siong-sìn guá

我對你的愛 以前藏佇心內
guá tuì lí ê ài, í-tsîng tshàng tī sim-lāi
這馬我想欲全部
tsit-má guá siūnn-beh tsuân-pōo
攏總講予你知
lóng-tsóng kóng hōo-lí tsai
是毋是會當牽我的手
sī-m̄-sī ē-tàng khan guá ê tshiú
永遠予我踮在你身邊
íng-uán hōo guá tiàm-tsāi lí sin-pinn