無字的目屎

《無字的目屎》Bô Jī ê Ba̍k-sái
吳蕙君Ngôo Huī-kun
——————————————
天邊留有咱的愛
thinn-pinn lâu ū lán ê ài
海邊看有咱的未來
hái-pinn khuànn-ū lán ê bī-lâi
如今你已經不在
jû-kim lí í-king put-tsāi
這是啥物世界
tse sī siánn-mih sè-kài

問天天講我戇
mn̄g thinn thinn kóng guá gōng
問地地講我呆
mn̄g tē tē kóng guá tai
問你你講我毋知
mn̄g lí lí kóng guá m̄-tsai
人哪會變遮歹
lâng ná ē piàn tsiah pháinn

免怨嘆免悲哀
bián uàn-thàn bián pi-ai
無情的人我無愛
bô-tsîng ê lâng guá bô-ài
你對我的傷害
lí tuì guá ê siong-hāi
永遠囥佇我心內
íng-uán khǹg tī guá sim-lāi

我毋是無人愛
guá m̄-sī bô-lâng ài
因為你是我的最愛
in-uī lí sī guá ê tsuè-ài
戇戇咧等待
gōng-gōng teh tán-thāi
流著無字的目屎
lâu tio̍h bô jī ê ba̍k-sái